ASNN – Spektakël në Vlorë, ndërsa Tirana ka fituar në kohën shtesë ndaj Flamurtari duke i nënshtruar kampionet në fuqi të basketbollit për femra. Një duel i denjë mes dy skuadrave që pretendojnë të fitojnë titullin “kampion” në basketboll për femra për sezonin 2016-2017. Ka qenë një ndeshje shumë emocionuese, e cila është vendosur në 5 minutat shtesë, ndërsa koha e rregullt ka përfunduar 80-80.

Tirana e nis më mirë ndeshjen, teksa në 10 minutat e para ajo ka qenë fituese 17-23. Në pjesën e dytë ka ndryshuar gjithçka, ndërsa Flamurtari ka fituar pjesën e dytë 24-17 dhe në pushim ka kryesuar 41-40. Edhe pas pushimit ka vijuar loja e mirë e vlonjateve, të cilat kanë fituar pjesën e tretë 25-17 dhe kanë kryesuar 66-57. Por, në 10 minutat e fundit gjithçka është përmbysur.

Sepse Tirana ka arritur të kalojë në epërsi 80-78. Në dy gjuajtje të lira Kostallari ka arritur të barazojë 80-80 duke e çuar ndeshjen në kohën shtesë, por ka protesta nga trajneri Avrami ndaj gjyqtarisë qendrore, sepse më parë kishte kërkuar pushim. Kërkohen 5 minuta shtesë për të përcaktuar fituese, kurse Tirana është më e qetë duke krijuar diferencën prej 3 pikësh.

Eliverta Bujari shënon në gjuajtjet e lira, kurse Marjanoviç nuk arrin të shënojë në përpjekjen për 3-pikësh. Festa në fund është tek Tirana, ndërsa vlonjatët, që kanë pasur dhe mbështetjen e tifozëve, kanë qenë më shumë se të mërzitur me këtë humbje të papritur.

Flamurtari – Tirana                           87-90

(17-23, 24-17, 25-17, 14-23/7-10)

Flamurtari: Myrto, Zykaj, Bleta, Rrapaj, Palko / Hasanaj, Lloi, Plasa, Hysaj, Kostallari, Marjanoviç, Çorto. Trajner: V. Toska

Tirana: Përmeti, Jankoviç, Këlleçi, Hoxhaj, Gjoni / E. Bujari, G. Bujari, Jaçe, Dishnica, Konini, Popoviç, Aliaj. Trajner: R. Avrami

Gjyqtarë: E. Allaraj, F. Jaçe (Tiranë)

Kampionati Kombëtar

i Basketbollit – Femra

Java e 8-të

(16-17 dhjetor 2016)

Të premten:

Kamza Basket – Skënderbeu        51-67

Studenti – Apolonia                                    78-50

Të shtunën:

Flamurtari – Tirana                          87-90

Elbasani – Goga Basket                 74-92

Vllaznia                                             pushim

Renditja

Nr.       Skuadra                     N.        F.         H.        Psh-Pp           Pikë

1. Tirana                         7          7          0          520-412         14
2. Goga Basket             7          6          1          599-394         13
3. Flamurtari                  7          6          1          545-452         13
4. Vllaznia                     7          4          3          474-415         11
5. Studenti                     7          4          3          458-436         11
6. Elbasani                    7          2          5          484-510           9
7. Skënderbeu              7          2          5          425-472           9
8. Apolonia                    7          1          6          425-558           8
9. Kamza Basket          8          0          8          414-695           8