Tirana në basketboll për femra është rikthyer tek trofetë e munguar, ndërsa dje pasdite është shpallur fituese e Superkupës së Shqipërisë. Një trofe që bardhebluve i mungonte prej trembëdhjetë vjetësh, ndërsa për Tiranën e trajnerit Erdal Borova, edhe duke mundur Flamurtarin në finale, një skuadër që sivjet i ka mundur bardheblutë dorë për dorë, kjo Superkupë do të jetë shtysë tashmë për të kërkuar titullin “kampion”. Sepse “play-off”-i është në prag.

Por që të ndodhë një gjë e tillë, Tirana duhet të kalojë një pengesë të madhe siç është Goga Basket në gjysmëfinale. Një kundërshtar që të gjithë në kampin tiranas e dinë që është i vështirë, por me shpresën se Superkupa do t’u japi një moral më shumë atëherë të gjithë besojnë se do të shkojnë deri tek trofeu i munguar i kampionit. Që nga 2012-ta kur pat fituar Kupën e Shqipërisë ndaj Flamurtarit. E të njëjtën gjë bën dhe tani me Superkupën e Shqipërisë.

Më pas ka shpërthyer festën e Tiranës, e cila në fakt ka më shumë se katër vjet që pret një trofe. Superkupën e Shqipërisë si trofe kapitenes së Tiranës, Eliverta Bujari, ia ka dorëzuar presidenti i Federatës Shqiptare të Basketbollit, Avni Ponari, që ka qenë i shoqëruar nga anëtarët e kryesisë Ilir Taflaj dhe Edera Alibegaj, si dhe Sekretari i Përgjithshëm Korab Llazani. Një Superkupë me shumë emocione.

Superkupa e Shqipërisë

Basketboll – Femra

“Libri i Artë”

1999               Skënderbeu

2000               Skënderbeu

2001               Flamurtari

2002               Luftëtari

2003               Tirana

2004               Luftëtari

2005               Flamurtari

2006               Flamurtari

2007               Flamurtari

2008               Flamurtari

2009               Flamurtari

2010               Flamurtari

2011               Flamurtari

2012               Flamurtari

2013               Apolonia

2014               Flamurtari

2015               Flamurtari

2016               Tirana