ASNN – Tirana vazhdon marshimin me fitore në këtë sezon të ri, teksa në katër ndeshje të luajtura deri tani ka po katër fitore. Nuk e ka pasur problem fitore as në ndeshjen e djeshme në Korçë ndaj Skënderbeut, ndërsa skuadra e Avramit me dy malazeze në fushë është më ndryshe.

Përballë një Skënderbeu krejtësisht të ri, bardheblutë nuk e vunë në asnjë moment në diskutim këtë fitore. E bukur mund të quhet vetëm pjesa e parë e ndeshjes. Tirana kryeson në këtë pjesë 5-8, ndërkohë që Skënderbeu shënon kryesimin e parë dhe të fundit për këtë ndeshje 9-8.

Më pas shifrat barazohen në 15-15 dhe në sekondën e fundit të këtyre 10 minutave janë mikeshat që shënojnë dhe e mbyllin 15-17 në favorin e tyre. Pjesa e dytë fillon edhe shkëputjen e mikeshave që janë të sakta me malazezen Popoviç dhe Përmetin, në gjuajtjet nga distanca për 3 pikë.

13-25 fitohet pjesa e dytë po nga mikeshat që, në pushim, shkojnë me rezultatin 28-42. Edhe pjesa e tretë ka të njëjtën pamje si e dyta, teksa Tirana fiton 10-24 dhe kryeson bindshëm 38-66, pra me 28 pikë diferencë. Në pjesën e fundit, trajneri Avrami aktivizon edhe vajzat e reja, por nuk përballojnë dot forcën e vendaseve që fitojnë thellë 28-17.

E kjo falë saktësisë së Llazarit, por që krejt ndeshja mbyllet 66-83 në favor të Tiranës.

Skënderbeu – Tirana                       66-83

(15-17, 13-25, 10-24, 28-17)

Skënderbeu: Haris (15), Toska (16), Llazar (26), Shallo, Gjika (9) / Pëllumbi, Jahollari, Myzeqari, Aliu, Loçi, Hysenllari. Trajnere: N. Gjika

Tirana: Përmeti (18), Jankoviç (8), E. Bujari (10), G. Bujari (8), Popoviç (27) / Malësia (2), Jaçe (5), Dishnica (5), Këlleci, Aliaj, Konini. Trajner: R. Avrami

Gjyqtarë: A. Dulçe, Y. Harasani (Tiranë)

Kampionati Kombëtar

i Basketbollit – Femra

Kategoria e Parë

Java e 5-të

(11-12 nëntor 2016)

Të premten:

Apolonia – Vllaznia                         51-80

Studenti – Goga Basket                  41-83

Të shtunën:

Flamurtari – Kamza Basket            93-74

Skënderbeu – Tirana                      66-83

Elbasani                                            pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  5          5          0          370-292         10
2. Goga Basket             4          4          0          368-210           8
3. Tirana                         4          4          0          299-223           8
4. Vllaznia                     5          2          3          330-314           7
5. Elbasani                    4          2          2          303-267           6
6. Studenti                     4          2          2          231-237           6
7. Skënderbeu              4          1          3          243-271           5
8. Apolonia                    5          0          5          287-433           5
9. Kamza Basket          5          0          5          279-463           5