Në të kundërt të asaj që ka ndodhur mbrëmë në ndeshjen e meshkujve, në mesditë tek takimi i femrave Tirana-Studenti, atje ku nuk kanë qenë më shumë se sa dhjetë vetë, gjithçka ka qenë e qetë. Studenti e ka nisur shpejt ndeshjen, ndërsa është shkëputur deri në 2-9. Por më pas Tirana falë Hoxhajt dhe Bujarit, edhe pse e ka humbur minimalisht pjesën e parë 18-19, ka arritur të kthejë.

Në pjesën e dytë diferencat janë më të mëdha, sepse Tirana godet edhe me trepikësha, aq sa janë katër nga Eliverta Bujari, dy nga Hoxhaj dhe një nga Jaçe dhe në fund shifrat tregojnë 33-14, kurse në total 51-33. Diferencat vijnë duke u rritur, ndërsa Tirana fiton dhe pjesën e tretë 24-16 dhe thellon në 75-49. E djeshmja ka qenë edhe një ndeshje për të rejat.

Kjo sepse, sepse krahas Enxhi Aliajt dhe Jaçes, që kanë qenë titullare të 5-shes së parë, kanë luajtur dhe Beleshi, Konini, Huta, Duqi e Nelaj, të cilat herë me Gjonin e herë me Adelajde Aliajn kanë formuar pesëshet e tjera të Tiranës. Studenti e ka fituar periodën e katërt, 16-20, por në fund është Tirana fituese 91-69 e ndeshjes së vlefshme për javën e 15-të të Kampionatit Kombëtar në Basketboll për Femra.

Tirana – Studenti                  91-69

(18-19, 33-14, 24-16, 16-20)

Tirana: E. Bujari (23), Hoxhaj (13), E. Aliaj, Gjoni (15), Jaçe (15) / Beleshi, A. Aliaj (2), Konini (9), Huta (6), Duqi (8), Nelaj. Trajner: E. Borova

Studenti: Metani (21), Shima, Lalaj (6), Çomollari (22), Naçollari (10) / Halili (6), Kici (4), Baraj, Jani, Vani. Trajnere: F. Mitku

Gjyqtarë: H. Trajer (Shkodër), E. Hoxhaj (Vlorë)

Kampionati Kombëtar

i Basketbollit – Femra

Kategoria e Parë

Java e 15-të

(19 mars 2016)

Flamurtari – Elbasani                       92-87

Goga Basket – Kamza Basket       90-51

Tirana – Studenti                              91-69

Vllaznia – Skënderbeu                    77-46

Renditja

Nr.       Skuadra                     N.        F.         H.        Psh-Pp          Pikë

1. Flamurtari                  15        15          0        1163-917       30
2. Goga Basket             15        11          4        1207-960       26
3. Tirana                         15        10          5        1099-1001     25
4. Vllaznia                     15          9          6        1052-980       24
5. Skënderbeu              15          6          9          975-1063     21
6. Studenti                     15          5        10          856-1026     20
7. Kamza Basket          15          4        11          786-927       19

8.       Elbasani                    15          0        14          874-1138     15