ASNN – Skënderbeu në basketboll për femra, ashtu si të gjitha sportet e tjera në Korçë, është katandisur për të ardhur keq, teksa si kurrë më parë pas tre javëve të para e shikon veten në vendin e fundit të tabelës së renditjes. Ndërkohë që, jo më larg se një vit më parë, korçaret e drejtuara nga trajneri Emil Papa e mundnin Studentin si në kryeqytet, por edhe në Korçë me diferencë të madhe pikësh.

E tashmë me trajnerin Papa të shkarkuar, Skënderbeu nuk ka fuqi ta mundë Studentin edhe në shtëpi. Kjo mund të quhet një turp për basketbollin korçar që po shkon drejt “greminës”, ndërkohë që Studenti dje, edhe pa trajneren në stol, ka arritur t’i japë leksion Skënderbeut vendas. Për shkak të humbjes së babait të saj, trajnerja e Studentit, Fiorentina Mitku, nuk pati mundësi të udhëtonte me skuadrën.

Por në fund vajzat e ekipit ia dedikojnë këtë fitore pikërisht asaj duke i qëndruar pranë në këto ditë hidhërimi për familjen Mitku. Një lojë e dobët në fakt nga fillimi në fund, teksa e tregojnë vetë pikët që kanë shënuar të dy skuadrat, teksa Studenti ka fituar 59-48 në vizitën korçare. Pjesa e parë është mbyllur në barazim 10-10, ndërsa Skënderbeu fiton të dytën 17-12. Por Studenti përmbys gjithçka në dy pjesët e tjera, 19-14 dhe 18-7.

Skënderbeu – Studenti       48-59

(10-10, 17-12, 14-19, 7-18)

Skënderbeu: Pëllumbi, Haris, Toska, Llazar, Gjika / Shallo, Hysenllari, Jahollari, Myzeqari, Aliu, Loci. Trajnere: N. Gjika

Studenti: Metani, Mema, Halili, Naçollari, Vata / Shima, Huta, Matka, Vani, Jani, Gozhdari. Trajnere: F. Mitku

Gjyqtarë: K. Cane, J. Muho (Tiranë)

Kampionati Kombëtar

i Basketbollit – Femra

Kategoria e Parë

Java e 3-të

(28-29 tetor 2016)

Të premten:

Kamza Basket – Goga Basket       57-104

Të shtunën:

Flamurtari – Apolonia                     81-57

Skënderbeu – Studenti                  48-59

Elbasani – Vllaznia                         73-78

Tirana                                                 pushim

Renditja

Nr.       Skuadra                     N.        F.         H.        Psh-Pp           Pikë

1. Goga Basket             3          3          0          285-169         6
2. Flamurtari                  3          3          0          219-164         6
3. Tirana                         2          2          0          159-104         4
4. Studenti                     2          2          0          137-97            4
5. Elbasani                    3          1          2          215-214         4
6. Vllaznia                     3          1          2          196-205         4
7. Apolonia                    3          0          3          176-278         3
8. Kamza Basket          3          0          3          152-282         3
9. Skënderbeu              2          0          2          102-128         2