ASNN – Liga Unike, Tirana fiton derbin me Partizanin dhe prek kualifikimin, zhgënjen Flamurtari. Janë luajtur takimet e javës të 8-të të Ligës Unike në basketboll për femra, teksa sezoni i rregullt po i afrohet fundit. Bashkimi i Prizrenit dhe Prishtina, dy ekipet nga Kosova, e kanë siguruar një vend në “4-shen finale”, duke konsoliduar dy vendet e para në renditje.

Në përballjen mes tyre, Bashkimi fitoi 72-66, duke udhëhequr renditjen me 16 pikë të plota, pa asnjë humbje. Në vendin e 3-të ndodhet Tirana, që mundi 78-65 Partizanin në derbin kryeqytetas. Për vajzat bardheblu u dallua Bojka me 21 pikë, ndërkohë që humbja eliminon të “kuqet”, që ndodhen në vendin e fundit. Zhgënjen Flamurtari, që u mund 81-74 në fushën e saj nga Penza.

Kështu, skuadra vlonjate është pranë eliminimit pavarsisht pretendimeve. Në ndeshjen e luajtur në Vlorë, Henderson realizoi 25 pikë, por që nuk mjaftuan për të fituar.

Liga Unike 2024

Basketboll – Femra

Java e 8-të:

Prishtina – Bashkimi                        66-72

Partizani – Tirana                 65-78

Flamurtari – Penza               74-81

Renditja

1. Bashkimi i Prizrenit 16 pikë
2. Prishtina 14 pikë
3. Tirana 12 pikë
4. Penza 11 pikë
5. Flamurtari 10 pikë

6.         Partizani                      9 pikë