ASNN – Në javën e 17-të të Kampionatit Kombëtar të Basketbollit për Femra, Skënderbeu ka fundosur edhe më shumë Kamzën e vendit të fundit dhe ka përfituar nga kundërshtari i dobët për të shënuar një fitore të thellë. Në fund të 40 minutave, korçaret kanë shënuar një diferencë prej 48 pikësh dhe thuajse kanë luajtur me një tabelë në shumicën e lojës.

Përsa i përket ndeshjes duhet thënë se korçaret në parket që në nisje kanë pasur në fushë vetëm basketbollisten me përvojë Eda Llazar, pasi trajnerja dhe lojtarja Nigerta Ropi (Gjika) ka qëndruar shumicën e ndeshjes në stol për t’u lënë hapësirë vajzave të reja. Pjesën e parë Skënderbeu ka shënuar 27 pikë në total, me 3 trepikësha të Llazarit, ndërkohë që Kamza Basket shënoi vetëm një kosh 3-pikësh nga ana e Sulës.

Vërtet shumë pak për Kamzën që u dorëzua shpejt dhe gjysmën e parë e ka mbyllur me diferencën e thellë 49-11. Në pjesën e tretë, pas pushimit, Skënderbeu hedh në fushë të gjitha lojtaret e reja dhe sërish e fiton këtë 10-minutësh, me një diferencë prej vetëm 2 pikësh, 11-9. Pjesa e fundit e ndeshjes është thjesht një formalitet dhe gjithçka mbyllet 81-33 për Skënderbeun, që kështu ka marrë një fitore më shumë se të lehtë në shtëpi ndaj Kamza Basket

Skënderbeu – Kamza Basket         81-33

(27-3, 21-8, 11-9, 22-13)

Skënderbeu: Pëllumbi (16), Haris (13), Toska (16), Llazar (17), Shallo (5) / Gjika (4), Loci (4), Myzeqari (4), Hysenllari (2). Trajnere: N. Gjika

Kamza Basket: Sula (19), Bezati (2), Bakalli (5), Gjura, Nurçellari (3) / Peca, Shehi, E. Mollosmani (2), Prençi, Oruçi. Trajner: M. Kristo

Gjyqtarë: Y. Harasani (Tiranë), B. Tafilica (Shkodër)

Kampionati Kombëtar

i Basketbollit – Femra

Kategoria e Parë

Java e 17-të

(24-25 mars 2017)

Të premten:

Skënderbeu – Kamza Basket        81-33

Të shtunën:

Goga Basket – Elbasani                 ora 12:00

Apolonia – Studenti                                    ora 16:00

Tirana – Flamurtari                          ora 17:00

Vllaznia                                             pushim

Renditja

Nr.       Skuadra                     N.        F.         H.        Psh-Pp                       Pikë

1. Goga Basket             14        13          1        1274-765                   27
2. Tirana                         14        13          1        1016-878                   27
3. Flamurtari                  14        12          2        1203-910                   26
4. Vllaznia                     15          8          7        1019-955                   23
5. Studenti                     14          7          7          932-926                   21
6. Skënderbeu              15          6          9          956-1063                 21
7. Elbasani                    14          4        10          969-1036                 18
8. Apolonia                    14          2        12          873-1173                 16
9. Kamza Basket          16          0        16          798-1432                 16