ASNN – Kampionatet Kombëtare të lojërave me dorë kanë luajtur dje ndeshjet e radhës dhe në basketboll për femra, Flamurtari vazhdon të kryesojë bindshëm, me 10 pikë, pas 5 fitoresh në aq ndeshje. Në takimin e vlefshëm për javën e 5-të, vlonjatet kanë fituar në fushën e tyre ndaj Studentit, me shifrat 72-58.

Fitore kanë korrur në takimet e kësaj jave edhe Skënderbeu dhe Elbasani, ndërsa ndeshja përmbyllëse e kësaj jave, ajo midis Apolonisë dhe Përmetit, do të luhet sot. Korçaret kanë fituar në Bathore, 65-59, ndaj ekipit vendas të Kamza Basket, të drejtuar nga trajneri Roland Avrami.

Ndërsa në Elbasan, skuadra vendase, e drejtuar nga trajnerja Elvira Xhyra, ka fituar ndaj Vllaznisë, në një takim ku diferencën e bëri pjesa e tretë. Elbasanaset fituan të parën 21-18, ndërsa shkodranet atë të dytën 23-20, duke bërë që të dyja skuadrat të shkojnë në pushim të ndeshjes në barazim 41-41.

10-minutëshi i tretë është fituar Elbasani 31-23 dhe kjo ka mjaftuar për t’i dhënë vendaseve fitoren 84-77, edhe pse Vllaznia ka fituar pjesën e fundit me një epërsi minimale. Pas javës së 5-të, Tirana, Skënderbeu, Studenti dhe Elbasani kanë nga 7 pikë, 3 më pak sesa Flamurtari kryesues, ndonëse duhet theksuar se bardheblutë kryeqytetase dhe korçaret kanë luajtur një ndeshje më pak.

ELBASANI – VLLAZNIA      84-77

(21-18, 20-23, 31-23, 12-13)

ELBASANI: Gjata, Rusta, A. Xhyra, J. Sylenji, Qosja / M. Sylenji, Ahmetaj, Zenunaj, K. Xhyra, Lushnjari, Miftari, Shabani. Trajnere: E. Xhyra

VLLAZNIA: Dashja, Mlika, Mustafa, Basha, Çoçja / Juka, Berrana, Prela, Ndoi. Trajner. R. Rasha

GJYQTARË: G. Shaqiri, E. Allaraj (Tiranë)

Kampionati Kombëtar

i Basketbollit – Femra

Java e 5-të

(15-16 nëntor 2014)

Kamza Basket – Skënderbeu        59-65

Flamurtari – Studenti                      72-58

Elbasani – Vllaznia                                     84-77

Apolonia – Përmeti                          (sot)

Tirana                                                 pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari             5          5          0          377-279         10
2. Tirana             4          3          1          323-250         7
3. Skënderbeu             4          3          1          281-253         7
4. Studenti             5          2          3          325-334         7
5. Elbasani             5          2          3          356-397         7
6. Apolonia             3          3          0          264-185         6
7. Vllaznia             5          1          4          342-385         6
8. Kamza Basket 4          0          4          227-305         4
9. Përmeti             3          0          3          145-260         3