Aleksis Lov, një basketbolliste amerikane me shifra mbresëlënëse, është përforcimi më i fundit që pritet ta ndihmojë Apoloninë në betejën për titullin “kampion” në basketbollin shqiptar të femrave. 23-vjeçarja është prezantuar sot, ndërsa trajneri i fierakeve, Astrit Greva, ka theksuar se sfidantja kryesore e skuadrës së tij mbetet Flamurtari.
Skuadra e Apolonisë, e cila është kryesuese e renditjes së Kampionatit Kombëtar të Basketbollit për femra dhe pretendente kryesore për titull së bashku me Flamurtarin dhe Apoloninë, ka prezantuar sot përforcimin më të fundit të saj. Bëhet fjalë për basketbollisten amerikane, Aleksis Lov, e cila është 23 vjeç dhe ka luajtur për skuadrat e kolegjeve në Shtetet e Bashkuara.
Trajneri i Apolonisë, Astrit Greva, e ka vlerësuar përforcimin më të fundit, duke theksuar se sfida kryesore e skuadrës së tij mbetet Flamurtari. “Basketbollistja që na ka ardhur nga Amerika, jo vetëm që e forcon skuadrën, por e bën atë konkurrente dhe pretendente serioze për të qenë “kampione”, – ka thënë ai. Aleksis Lov është një basketbolliste me shifra mbresëlënëse, që pritet ta ndihmojë Apoloninë në betejën për titull.