Flamurtari ka fituar kështu Kupën e Shqipërisë, s’ka kush ta ndalë në parket. Vlonjatet e Viron Toskës kanë mbyllur çdo shteg për Tiranën, e cila ka qenë në një ditë jo të mirë, aq sa dhe koshi është mbyllur në mënyrë hermetike. Tre gabime teknike për bardheblutë, kurse trofeu rikthehet në Vlorë. Tirana e ka nisur mirë ndeshjen, ndërsa duke bërë një mbulim të rreptë të kundërshtarëve arrin të shkëputet deri në 5-9. Mirëpo duket se janë përqendruar më tepër për ta mbajtur jashtë zonës Zykajn, e cila gjithsesi ka arritur të shpërthejë me trepikëshat e saj.
Por kanë harruar Kostallarin e Palkon, apo dhe Plasën, të cilat arrijnë që në “zemrën” e mbrojtjes bardheblu të marrin faullat dhe të ngarkojnë lojtaret e Tiranës brenda pjesës së parë duke e bërë më të vështirë lojën për skuadrën e Borovës. Flamurtari e fiton pjesën e parë 19-15, ndërsa Tirana është më shumë se e nervozuar. Nisin dhe protesta dhe e para që e pëson me gabim teknik është Gera Bujari. Më pas dhe Hoxhaj e Tirana, që nuk shënon dot as poshtë koshit, në pjesën e dytë ka shënuar vetëm 8 pikë kundrejt të 20 të Flamurtarit, që në pushim ka pasur një epërsi prej 16 pikësh diferencë.
Epërsi që ka ardhur duke u thelluar, ndërsa në pjesën e tretë në rezultatin 44-29 për Flamurtarin, Adelajde Aliaj jo vetëm që ka marrë gabim teknik, por ka dalë edhe me pesë gabime personale. E këtu gjërat bëhen më të lehta për Flamurtarin, sepse Tiranën nuk ka arritur ta ndihmojë as përvoja e Bruna Komtit, e cila është detyruar ta lërë shpejt fushën e lojës për shkak dëmtimit, por as të rejat Jaçe, Duqi e Konini. Pjesa e tretë ka shënuar dhe pikaverazhin më të ulët, 9-7.
Po kjo prapëseprapë nuk e shkurton diferencën e epërsisë të Flamurtarit të Toskës, që mbetet 46-32. Ka momente që Flamurtari arrin madje edhe në një epërsi prej 20 pikësh. Por në fund 69-50 dhe pas dy vjetësh, këtë radhë për herë të 17-të, Flamurtari është fituese e Kupës së Shqipërisë. Trofeun e ka dorëzuar presidenti i Federatës Shqiptare të Basketbollit, Avni Ponari.
Flamurtari – Tirana 69-50
(19-15, 20-8, 7-9, 23-18)
Flamurtari: Kostallari (3), Plasa (19), Zykaj (15), Palko (14), Myrto (16) / Rrapaj, Hysaj, Kasaj (2). Trajner: V. Toska
Tirana: E.Bujari (17), G. Bujari (2), Aliaj (8), Hoxhaj (10), Gjoni (9) / Komti, Jaçe (2), Duqi (2), Konini. Trajner: E. Borova
Gjyqtarë: G. Cici, E. Koçi (Tiranë)
Kupa e Shqipërisë
Basketboll – Femra
Libri i Artë i fitueseve:
1956 Puna e Tiranës
1957 Tirana A
1960 17 Nëntori
1961 17 Nëntori
1962 Vllaznia
1963 17 Nëntori
1965 17 Nëntori
1966 17 Nëntori
1967 17 Nëntori
1968 17 Nëntori
1969 17 Nëntori
1970 17 Nëntori
1971 17 Nëntori
1972 Apolonia
1973 Labinoti
1974 Apolonia
1975 Lokomotiva
1976 17 Nëntori
1977 17 Nëntori
1978 Flamurtari
1979 17 Nëntori
1980 Skënderbeu
1981 Skënderbeu
1982 Skënderbeu
1983 Flamurtari
1984 17 Nëntori
1985 Flamurtari
1986 17 Nëntori
1987 Flamurtari
1988 Vllaznia
1989 17 Nëntori
1990 Flamurtari
1991 Skënderbeu
1992 Elbasani
1993 Tirana
1994 Flamurtari
1995 Tirana
1996 Flamurtari
1997 Tirana
1998 Skënderbeu
1999 Skënderbeu
2000 Flamurtari
2001 Luftëtari
2002 Luftëtari
2003 Flamurtari
2004 Flamurtari
2005 Tirana
2006 Flamurtari
2007 Flamurtari
2008 Flamurtari
2009 Flamurtari
2010 Flamurtari
2011 Flamurtari
2012 Apolonia
2013 Tirana
2014 Flamurtari
2015 Apolonia
2016 Flamurtari
