ASNN – Ekipi kombëtar i basketbollit për femra ka nisur prej dy ditësh grumbullimin në prag të dy ndeshjeve të fundit për Eliminatoret e “Eurobasket 2019”. Siç duhet, vajzat kuqezi do të zhvillojnë më datë 17 dhe 21 nëntor 2018, dy ndeshjet e fundit të vlefshme për Eliminatoret e “Eurobasket”-it të femrave.

Ekipi i drejtuar nga trajneri Viron Toska dhe ndihmëstrajnerja Ledina Koçi, e ka nisur grumbullimin më 8 nëntor në qytetin e Korçës, ku do të qëndrojë deri një ditë para ndeshjes së 17 nëntorit 2018 me Hungarinë. Më pas, ekipi do të vazhdojë përgatitjet në Tiranë, për 2-3 ditë, për të vijuar me udhëtimin drejt Lituanisë.

Atje, ku do të luajë më 21 nëntor ndeshjen e 6-të dhe të fundit të të grupit C. Në fakt, sikundër vërehet edhe nga tabela e mëposhtme, ka qenë një fushatë për t’u harruar kjo e grupit C për Shqipërinë e koshit, sepse ka pësuar 4 humbje të thella në kufinjtë e të pazakontës.

Sa i përket listës së lojtareve të grumbulluara, bie në sy se dy rivalet bardheblu, SH.K.B.F. Tirana, e drejtuar nga trajneri Erdal Borova, dhe SH.B.F. Tirana, e drejtuar nga homologia Mirza Alibegaj, dominojnë listën prej 13 lojtaresh, me nga 4 secila, ndërsa nga Flamurtari i tij, Toska ka thirrur 3 lojtare e nga Vllaznia dy.

EuroBasket 2019

(Femra)

Eliminatoret

Ndeshjet e Shqipërisë në Grupin C

Nr.       Ndeshja                     Rezultati        Salla Sportive                       Data                Ora

1. Shqipëri – Rusi           37-122          “Feti Borova”                         11.11.2017    18:00
2. Hungari – Shqipëri   137-48            “Generali Arena”                  15.11.2017    18:00
3. Shqipëri – Lituani       61-119          “Feti Borova”                         10.02.2018    18:00
4. Rusia – Shqipëri       148-35            “Sport Palace Dynamo”      14.02.2018    18:00
5. Shqipëri – Hungari        –                  “Feti Borova                          17.11.2018    17:00
6. Lituani            – Shqipëri           –                  “Kedainiai Arena”                21.11.2018    18:30

Ja lojtaret e grumbulluara për këto dy ndeshje:

1. Eliverta BUJARI (SH.K.B.F. Tirana)
2. Xhesika TOSKA (SH.K.B.F. Tirana)
3. Klea VERRI             (Vllaznia)
4. Elektra ZYKAJ             (SH.K.B.F. Tirana)
5. Enxhi XHANAJ             (SH.B.F. Tirana)
6. Ornela LALAJ             (SH.B.F. Tirana)
7. Gera BUJARI             (SH.K.B.F. Tirana)
8. Jelena NIKPALJEVIÇ (SH.B.F. Tirana)
9. Adelajda ALIAJ (Flamurtari)
10. Aida PALKO (Flamurtari)
11. Dea HASANAJ (Flamurtari)
12. Silvi SINANI (Vllaznia)
13. Sara GJONI (SH.B.F. Tirana)