Takimi Tirana-Goga Basket ka nisur me 20 minuta vonesë, kjo për shkak të mungesës së forcave të rendit, ndërsa gjyqtarët Gokaj e Trajer nuk e nisnin ndeshjen pa ardhur policët në sallë. Luhet pikë më pikë në pjesën e parë, e cila përfundon 22-22, por ajo që bie në sy është se lojtaret e Tiranës ngarkohen me gabime personale. Goga Basket përmirëson lojën e saj në pjesën e dytë, ndërsa Tirana ka humbur qetësinë.

Topat pasohen dhe hidhen sikur të ishin “gjyle” mes lojtareve e jo sikur po luajnë për të njëjtën fanellë e për të njëjtën skuadër. 17-23 është pjesa e dytë për Goga Basketin dhe në pushim 39-45 për skuadrën durrsake. Lojtaret e Tiranës nisin të dalin njëra pas tjetrës me 5 gabime personale. Popoviç është e para, pasi ka marrë dhe gabim teknik për protesta ndaj gjyqtarëve, më pas Gera Bujari, Jankoviç dhe Përmeti.

Por me gabim teknik është ndëshkuar dhe Eliverta Bujari. E gjërat bëhen më të lehta për Goga Basketin, e cila edhe atëherë kur ka qenë në disavantazh 57-59, ka ditur të përmbysë. Pavarsisht fitores së pjesës së tretë nga Tirana me shifrat 24-22, Goga Basket ka kryesuar 67-63. Ndërkohë, 19-8 është pjesa e 4-t për Goga Basketin dhe në fund 86-71 e kryesimi është për skuadrën e trajnerit Moja dhe presidentit Perikli Goga.

Për t’u evidentuar është fakti se, në pjesën e 4-t, në dëmtimin e Mehmetit ka munguar mjeku i sallës, ndërsa për fat Goga Basket ka pasur fizioterapist me vete.

Tirana – Goga Basket          71-86

(22-22, 17-23, 24-22, 8-19)

Tirana: Jankoviç (22), Përmeti (13), E. Bujari (13), G. Bujari (5), Popoviç (8) / Hoxhaj (2), Gjoni, Jaçe, Dishnica, Aliaj (8). Trajner: R. Avrami

Goga Basket: Lalaj (10), Qypi (24), Alagiç (19), MekRoi (21), S.Omerbashiç (6)/L.Omerbashiç, Mehmeti (6) Trajner: H.Moja

Gjyqtarë: J.Gokaj, H.Trajer (Shkodër)

Kampionati Kombëtar

i Basketbollit – Femra

Java e 15-të

(10-11 mars 2017)

Të premten:

Studenti – Elbasani                         82-53

Të shtunën:

Skënderbeu – Vllaznia                   75-65

Apolonia – Kamza Basket              85-62

Tirana – Goga Basket                     71-86

Flamurtari                                          pushim

Renditja

Nr.       Skuadra                     N.        F.         H.        Psh-Pp           Pikë

1. Goga Basket             13        12          1        1190-721       25
2. Tirana                         13        12          1          941-821       25
3. Flamurtari                  13        11          2        1115-852       24
4. Vllaznia                     14          7          7          949-914       21
5. Studenti                     13          7          6          874-838       20
6. Elbasani                    13          4          9          912-961       17
7. Skënderbeu              13          5          8          831-942       18
8. Apolonia                    14          2        12          873-1173     16
9. Kamza Basket          14          0        14          724-1281     14