ASNN – Skënderbeu në basketboll për femra në javën e tretë ndalet në shtëpi nga Goga Basket. Skuadra mike dje ka arritur një fitore të rëndësishme dhe të vuajtur në Pallatin e Sportit “Tamara Nikolla” të Korçës, ndërkohë që kjo fitore ka ardhur pikërisht në 2 minutat e fundit të ndeshjes. Për 38 minuta ndeshja ka qenë në rivalitet të plotëdhe pikë për pikë.

Korçaret humbën ndeshjen e parë në shtëpi dhe në kampionat, pasi kishin edhe një mungese të rëndësishme si Eli Papa, ndërkohë që Eda Llazari sërish ka vijuar të jetë pikëshënuesja më e mirë edhe në këtë ndeshje me 35 pikë të shënuara. Por nuk mjaftuan për të shënuar një tjetër fitore. Për mikeshat e Goga Basket vlen të përmendet loja e mirë e Përmetit, që në fund shënoi 31 pikë.

Gjithçka ka qenë e baraspeshuar në 3 pjesët e para, teksa në 10 minuta lojë tabela shënon 19-18. Deri në pushimin midis dy pjesëve rezultati sërish është me një pikë diferencë për vendaset 38-37 dhe kështu vazhdon edhe pjesa e tretë, teksa miket e fitojnë 17-18 dhe pas 30 minutave lojë gjithçka është e barabartë 55-55. Pjesa e fundit ka qenë dramatike dhe e bukur deri në fund.

Tri basketbolliste të Skënderbeut u ngarkuan me nga 4 gabime personale. Ndërkohë që mikeshat kanë përfituar në dy minutat e fundit, teksa Përmeti shënon 8 pikë dhe bën shkëputjen. Në fund, rezultati i përgjithshëm 70-78 për Goga Basket, që arrin një fitore të rëndësishme në vizitën e Korçës, por mbi të gjitha ndal Skënderbeun pas dy fitoreve të para.

Skënderbeu – Goga Basket            70-78

(19-18, 19-19, 17-18, 15-23)

Skënderbeu: Haris (1), Doja (10), Llazar (35), S. Papa (2), Gjika (17) / Toska (5), Pëllumbi, Aliu, El. Papa, Shallo, Jahollari, Hysenllari. Trajner: Em. Papa

Goga Basket: Përmeti (31), Baraj (5), Ustalli (8), Dishnica, Mehmeti (18) / Xhanaj (16), Memushi, Memçaj, Qypi, Kumi. Trajner: A. Greva

Gjyqtarë: G. Hoxha, A. Bejko (Tiranë)

Kampionati Kombëtar

i Basketbollit – Femra

Java e 3-të

(17 tetor 2015)

Kamza Basket – Elbasani  (nuk u zhvillua)

Flamurtari – Studenti                      92-51

Vllaznia – Tirana                              69-77

Skënderbeu – Goga Basket           70-78

Renditja

Nr.       Skuadra                     N.        F.         H.        Psh-Pp                       Pikë

1. Flamurtari             3          3          0          244-145                     6
2. Skënderbeu             3          2          1          217-189                     5
3. Goga Basket 3          2          1          213-188                     5
4. Tirana             3          2          1          198-187                     5
5. Vllaznia             3          1          2          186-182                     4
6. Studenti             3          1          2          153-230                     4
7. Kamza Basket 2          0          2          96-129                      2
8. Elbasani             2          0          2          99-156                      2