ASNN – Flamurtari 18 ndeshje, 18 fitore, rekord më vete. Flamurtari e ka mbyllur ndeshjen për dhjetë minuta nëse mund të quhet kështu, pasi vetëm pjesa e tretë dhe, më pas, e katërta i ka dhënë suksesin skuadrës së trajnerit Viron Toska. Në fakt dy pjesët e para do të flisnin për Studentin, ndërsa dukej se Flamurtari e kishte marrë lehtë takimin.

Vajzat e Studentit kanë fituar 10 minutat e para me një epërsi prej tre pikësh, ndërsa loja e mirë e tyre vijon edhe në pjesën e dytë. Kësisoj, gjysma e parë përfundon 40-33 për Studentin. Por ndryshon gjithçka në pjesën e tretë dhe Flamurtarin zbraz gjithë arsenalin e vet, duke mos e lejuar kundërshtarin të dalë në lojën e vet.

Madje Studenti nuk shënon më shumë se 4 pikë kundrejt 23 të Flamurtarit, teksa pjesa e tretë mbyllet 56-44. Flamurtari luan mjaft mirë edhe në 10 minutat e fundit, duke shënuar plot 26 pikë, ndërsa ka mbyllur krejt ndeshjen me fitoren e thellë 82-59 përballë Studentit.

Flamurtari vijon të mos njohë humbje duke dëshmuar qartë se titulli është objektivi primar. Dhe ndeshjet e luajtura deri më tani tregojnë për një Flamurtari superior ndaj kundërshtarëve në kampionat, ndërsa mbetet për t’u parë edhe se çfarë do të ndodhë në “play-off”-in final të titullit.

Flamurtari – Studenti           82-59

(14-17, 19-23, 23-4, 26-15)

Flamurtari: Myrto, Zykaj, Rrapaj, Bleta, Palko / Lloi, Plasa, Hysaj, Kostallari, Hasanaj. Trajner: V. Toska

Studenti: Shima, Metani, Lalaj, Mema, Baraj / Çomollari, Halili, Vani, Lamçe, Sami, Naçollari. Trajnere: F. Mitku

Gjyqtarë: A. Dulçe, Y. Harasani (Tiranë)

Kampionati Kombëtar

i Basketbollit – Femra

Java e 17-të

(1-2 prill 2016)

Të premten:

Kamza Basket – Skënderbeu        51-47

Të shtunën:

Flamurtari – Studenti                         82-59

Elbasani – Vllaznia                            69-83

Goga Basket – Tirana                      103-80

Renditja

Nr.       Skuadra                     N.        F.         H.        Psh-Pp          Pikë

1. Flamurtari                  18        18          0        1392-1108     36
2. Goga Basket             17        13          4        1397-1106     30
3. Vllaznia                     17        10          7        1201-1136     27
4. Tirana                         17        10          7        1242-1207     27
5. Skënderbeu              18          6        12        1144-1256     24
6. Studenti                     17          6        11          974-1156     23
7. Kamza Basket          17          5        12          885-1033     22
8. Elbasani                    17          1        16        1091-1280     18