ASNN – Kampionati Kombëtar i Basketbollit për Femra ka luajtur dje 2 nga takimet e javës së tij të 6-të dhe Flamurtari ka bërë minimalen në Shkodër, duke fituar ndaj Vllaznisë me rezultatin 63-57 dhe duke ruajtur të paprekur kreun e renditjes me 6 fitore në po aq ndeshje.

Edhe Apolonia nuk ka lëshuar pè në ndjekjen e kreut, duke triumfuar në kryeqytet ndaj Tiranës, me rezultatin 68-62, dhe duke u ngjitur në kuotën e 10 pikëve. Të premten është luajtur ndeshja e parë e kësaj jave dhe pasi ka fituar ndaj Përmetit dhe Elbasanit në shtëpi, Studenti i Fiorentina Mitkut kanë mundur Kamza Basket.

Fishkëllima e fundit e gjyqtarëve Trajer e Bejko ka fiksuar shifrat 66-55 dhe hëpërhë, Studenti, të paktën në shtëpi, mban ritmin e fitoreve dhe po noton në “ujërat e “play-off”-it” final. Ndërsa Kamza Basket, për shumë e shumë arsye, ka shumë për të bërë për të qenë një skuadër rivalizuese në kampionat.

Sot në mesditë luhet ndeshja e fundit e javës, ku Përmeti do të presë Skënderbeun, ndërsa Elbasani është pushim.

Kampionati Kombëtar

i Basketbollit – Femra

Java e 6-të

(21-23 nëntor 2014)

Vllaznia – Flamurtari           57-63

Tirana – Apolonia                62-68

Studenti – Kamza Basket   66-55

Përmeti – Skënderbeu        (sot, ora 12:00)

Elbasani – pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari 6          6          0          440-336         12
2. Apolonia 5          5          0          433-301         10
3. Studenti 6          3          3          391-389         9
4. Tirana 5          3          2          385-318         8
5. Skënderbeu 4          3          1          281-253         7
6. Elbasani 5          2          3          356-397         7
7. Vllaznia 6          1          5          399-448         7
8. Kamza Basket 5          0          5          282-371         5
9. Përmeti 4          0          4          199-361         4