ASNN – Flamurtari dhe Elektra Zykaj, që dje ka vendosur rekordin më të ri të kampionatit, teksa ka shënuar 79 pikë, ndërsa i ka shoqëruar dhe me 8 trepikësha, kanë qenë pa limit në përballjen me Apoloninë. Një ndeshje, e cila nuk ka pasur shumë histori, ndërsa mund të quhet me rivalitet vetëm pjesa e parë, të cilën Flamurtari e ka fituar 29-25.

Më pas Flamurtari dhe Zykaj krijojnë diferencën e duhur për të marrë fitoren e kësaj ndeshje duke triumfuar pa shumë vështirësi ndaj Apolonisë. Fieraket, me vajza të reja, e kanë pasur të vështirë për të rivalizuar. 29-15 pjesda e dytë për Flamurtarin dhe në pushim, shifrat kanë qenë  58-40 për kampionet në fuqi.

34-13 e treta dhe totali shkon 92-53. 29-21 e fundi shënon një fitore me një diferencë prej 47 pikësh për vlonjatet, 121-74. Kishte gati 15 vjet, të paktën sipas statistikave të trajnerit të Flamurtarit, Viron Toska, që një lojtare nuk shënon mbi 70 pikë në ndeshje.

“E fundit, – thotë ai për Sport Ekspres, – ka qenë Përmeti në një Kupë Shqipërie, teksa ishte lojtare e Studentit, ndërsa ka realizuar 75 a 76 pikë. Zykaj është rekordi më i ri i kampionatit dhe me shumë meritë”.

E kështu Flamurtari hyn në histori së bashku me Zykajn, kurse basketbolli shqiptar, me këtë çarje të madhe të koshave, të paktën deri në “play-off”-in është bërë krejtësisht pa shije.

Apolonia – Flamurtari          74-121

(25-29, 15-29, 13-34, 21-29)

Apolonia: Iljazi, Beqaj, Braja, Çuko, Demiraj / Tahiraj, Velias, Hyska, Lolaj, Kasaj. Trajnere: H. Çuko

Flamurtari: Myrto, Zykaj, Bleta, Lloi, Rrapaj / Palko, Hasanaj, Plasa, Hysaj, Kostallari, Marjanoviç, Çorto. Trajner: V. Toska

Gjyqtarë: E. Hoxhaj (Vlorë), F. Jaçe (Tiranë)

Kampionati Kombëtar

i Basketbollit – Femra

Kategoria e Parë

Java e 12-të

(17-18 shkurt 2017)

Të premten:

Studenti – Skënderbeu                  85-58

Goga Basket – Kamza Basket       nuk u zhvillua

Të shtunën:

Apolonia – Flamurtari                     74-121

Vllaznia – Elbasani                         80-71

Tirana                                                 pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  11          9          2        905-705         20
2. Tirana                         10        10          0        714-612         20
3. Goga Basket             10          9          1        876-566         19
4. Vllaznia                     11          6          5        750-716         17
5. Studenti                     10          6          4        669-615         16
6. Elbasani                    11          3          8        791-836         14
7. Skënderbeu              10          3          7        622-723         13
8. Apolonia                    11          1        10        659-959         12
9. Kamza Basket          10          0        10        504-852         10