ASNN – Java e 18-të e basketbollit të femrave ka startuar që dje pasdite, teksa në orën 17:00 Skënderbeu priti në Pallatin e Sportit “Tamara Nikolla” të Korçës, Flamurtarin. E të pranishëm kanë qenë plot personalitete të koshit, që kanë ndjekur një ndeshje të bukur në parket, por që në fund ka pasur vetëm një fitues, Flamurtarin. Që në sekondat e para të ndeshjes trajneri mik Toska hedh në parket pesëshen më të mirë dhe në fund të kësaj pjese, shifrat flasin për Flamurtarin, 21-17.
Pas këtij momenti nga fusha dalin katër titullaret e vlonjateve dhe ua lënë vendin të rejave. E vetëm Myrto është titullarja e vetme në fushë për Flamurtarin. Duket se në këtë moment frenat në lojë i marrin korçaret, që e marrin këtë pjesë loje, duke e fituar 18-13 dhe, përpara pushimit, rezultati në tabelën elektronike është në favorin e Skënderbeut, 35-34. Pas pushimit sërish trajneri Viron Toska hedh në parket të gjitha titullaret dhe rezultati kthehet në favorin e mikeve.
Kështu, pas 30 minutave loje janë në epërsi 55-45. Diferenca shtohet edhe në 10 minutat e fundit të takimit dhe si përfundim Skënderbeu humbet në shtëpi në javën e 18-të të Kategorisë së Parë të Kampionatit Kombëtar të Basketbollit për Femra, me 13 pikë diferencë 60-73. Me këtë fitore, Flamurtari vazhdon kryesimin i vetëm me 34 pikë të plota, ndërkohë që Skënderbeu ndodhet në vendin e pestë me 23 pikë.
Skënderbeu – Flamurtari 60-73
(17-21, 18-13, 11-21, 14-18)
Skënderbeu: Haris, Doja, El. Papa, S. Papa, Gjika / Pëllumbi, Toska, Aliu, Shallo, Jahollari, Hysenllari. Trajner: Em. Papa
Flamurtari: Myrto, Zykaj, Palko, Kostallari, Plasa / Rrapaj, Hysaj, Hasanaj, Kasaj, Bleta, Lloi. Trajner: V. Toska
Gjyqtarë: G. Cici, O. Kasmi (Tiranë)
Kampionati Kombëtar
i Basketbollit – Femra
Java e 18-të
(29 mars – 9 prill 2016)
Të martën:
Skënderbeu – Flamurtari 60-73
Të premten (8 prill 2016):
Kamza Basket – Tirana (ora 17:00)
Studenti – Vllaznia (ora 18:00)
Të Shtunën (9 prill 2016):
Elbasani – Goga Basket (ora 16:00)
Renditja
Nr. Skuadra N. F. H. Psh-Pp Pikë
1. Flamurtari 17 17 0 1310-1049 34
2. Goga Basket 16 12 4 1294-1026 28
3. Tirana 16 10 6 1162-1104 26
4. Vllaznia 16 9 7 1118-1067 25
5. Skënderbeu 17 6 11 1093-1209 23
6. Studenti 16 6 10 915-1074 22
7. Kamza Basket 16 4 12 834-986 20
8. Elbasani 16 1 15 1022-1197 17
