Ndeshja e kthimit me Malin e Zi, e vlefshme për Eliminatoret e Kampionatit Evropian 2017, do të luhet në Shqipëri, më 19 nëntor të vitit të ardhshëm. Nisin ethet e Eliminatoreve për përgatitjen e skuadrës dhe për plotësimin e një infrastrukture moderne sipas kërkesave të ndërkombëtarëve.

Kështu, Federata Evropiane e Basketbollit dje në mesditë ka konfirmuar zyrtarisht se ndeshja Mali i Zi-Shqipëri, e vlefshme për Eliminatoret e Kampionatit Evropian të basketbollit për femra për vitin 2017, do të luhet më 25 nëntor në Podgoricë, në ora 20:30.

Kështu kanë lajmëruar fillimisht drejtuesit e Federatës së Basketbollit të Malit të Zi ndaj institucionit më të lartë të koshit, ndërsa më pas nga Ljubomir Mandiç ka qenë jo vetëm një konfirmim për këtë ndeshje, por për më tepër kanë kërkuar konfirmimin e Pallatit të Sportit.

Sepse ende kishin një pikëpyetje nëse do të luhet në “Sport Center Moraca”, apo jo. Ndonëse edhe në formularin e plotësuar për këtë ndeshje nga Mali i Zi është përmendur salla sportive ku do të luhet, e cila ka një kapacitet prej 4,500 vendesh të ulura.

Ndërkohë ndeshja e kthimit më 19 nëntor 2016 do të luhet në Shqipëri, atje ku zyrtarët shqiptarë duhet të konfirmojnë Pallatin e Sportit. E kjo jo vetëm për Malin e Zi, që është ndeshja e fundit eliminatore në fushën tonë, por dhe përballjet me Britaninë e Madhe dhe Italinë.

Kalendari i Shqipërisë në Eliminatoreve:

21 nëntor 2015         Itali – Shqipëri                      ora 18:00

25 nëntor 2015         Mali i Zi – Shqipëri               ora 20:30

20 shkurt 2016         Britani e Madhe – Shqipëri

24 shkurt 2016         Shqipëri – Itali

19 nëntor 2016         Shqipëri – Mali i Zi

23 nëntor 2016         Shqipëri – Britani e Madhe