Apolonia në basketboll për femra, jo vetëm që ka thyer hegjemoninë e Flamurtarit, por dhe e ka fituar Kupën e Shqipërisë në Vlorë. Një skuadër spektakolare, e cila e drejtuar me meritë nga Vladimir Xheka, kjo në mungesë të trajnerit Astrit Greva për arsye shëndetësore, ka ditur të fitojë përballë skuadrës me absolute të viteve të fundit, Flamurtarit.
Vlonjatet e Toskës në sezonet e fundit kanë fituar kampionat, Kupë Shqipërie dhe Superkupë. Por duket se ky nuk është sezoni i tyre, ndërsa Apolonia ka ripërsëritur fitoren e kampionatit. Të udhëhequra nga basketbollistet e përvojës Semanjaku e Mehmeti, apo dhe Xhanaj e Aliaj, Apolonia e ka vënë nën kontroll ndeshjen që në dy pjesët e para.
Atje ku është shkëputur deri në 23 pikë diferencë, me shifrat 24-47. Madje ka thelluar dhe në të tretën, teksa e ka mbajtur epërsinë deri në 27 pikë diferencë. Në fund të pjesës së tretë, fieraket kanë udhëhequr 34-61. E katërta është një luftë nervash, fituar nga Flamurtari, por në fund është Apolonia që gëzohet për trofeun e munguar. Për herë të 4-t është fituese e Kupës së Shqipërisë.
Ndërkohë, fieraket rikthehen pas 3 vjetësh mungesë tek ky trofe. Ndoshta duke paralajmëruar që tani se do të jetë ajo “kampionia” e Shqipërisë, pasi udhëheq edhe në kampionat. Trofeun Apolonisë ia ka dorëzuar presidenti i Federatës Shqiptare të Basketbollit, Avni Ponari, që ka qenë i shoqëruar nga anëtari i kryesisë Ilir Taflaj dhe Sekretari i Përgjithshëm, Korab Llazani.
Flamurtari – Apolonia 65-81
(10-21, 14-26, 10-14, 31-20)
Flamurtari: Myrto (6), Hasanaj (4), Plasa (21), Qypi (18), Kostallari(7) / Rrapaj, Palko (6), Komti, Meçani (4), Çakiçi. Trajner: V. Toska
Apolonia: Xhanaj (22), Deshnica (6), Semanjaku (19), Mehmeti (22), Aliaj (7) / Ustalli, Mehmeti, Demiraj (5), Varfi, Baraj. Trajner: V. Xheka
Gjyqtarë: G. Cici, A. Beko (Tiranë), G. Basho (Shkodër)
Kupa e Shqipërisë
Basketboll – Femra
Gjysmëfinalet
Të mërkurën:
Apolonia – Tirana 81-55
(19-8, 20-16, 18-15, 24-16)
Flamurtari – Kamza Basket 60-41
(16-10, 16-8, 8-13, 20-10)
Finalja
Të enjten:
Flamurtari – Apolonia 65-81
(10-21, 14-26, 10-14, 31-20)
