ASNN – Kampionati Kombëtar i Volejbollit për Femra ka luajtur sot 3 nga ndeshjet e javës së tij të 10-të dhe 3 skuadrat e kreut, Barleti Volej, Teuta dhe Partizani kanë bërë formalitetin e radhës, duke korrur fitore dhe duke ruajtur të pandryshuara pozitat e tyre në renditje.
Kështu, kampionia në fuqi e volejbollit të femrave, Barleti Volej, ka vulosur në “Fahrie Hoti” ndaj Tiranës vendëse fitoren e dhjetë radhazi në këtë sezon. Edhe pse me mungesa, për arsye dëmtimi apo për zgjedhje teknikne, Barleti Volej përsëri ia ka dalë të fitojë pastër 3-0.
Ndërkohë, Partizani ka vuajtur në duelin me Lushnjën, ku për setin e parë janë dashur pikët shtesë që të kuqtë kryeqytetas të fitonin me shifrat 28-26. Por, pas këtij seti Partizani nuk lëshon më “pe” dhe e fiton të dytin 25-18 dhe të tretin akoma më thellë, 25-15, dhe krejt ndeshjen 3-0.
Në takimin e fundit të luajtur sot, Vllaznia ka zhgënjyer këtë javë, duke u mundur në fushën e saj nga Teuta. Volejbollistet durrsake janë larguar nga Shkodra me një fitore 1-3. Takimi i fundit i kësaj jave është ai i fundit të renditjes, që do të luhet të martën, ku Skënderbeu do të presë në Korçë Elbasanin.
Kampionati Kombëtar
i Volejbollit – Femra
Grupi A1
Java e 10-të
(25-28 shkurt 2017)
Të shtunën:
Vllaznia – Teuta 1-3
Tirana – Barleti Volej 0-3
Partizani – Lushnja 3-0
Të martën:
Skënderbeu – Elbasani ora 16:00
Renditja
Nr. Skuadra N. F. H. Setet Pikë
- Barleti Volej 10 10 0 30-4 29
- Teuta 10 8 2 27-10 24
- Partizani 10 7 3 24-12 22
- Tirana 10 5 5 19-16 16
- Vllaznia 10 5 5 17-20 13
- Lushnja 10 3 7 12-23 8
- Skënderbeu 9 1 8 7-25 5
- Elbasani 9 0 9 1-27 0
