ASNN – Vlera e kartonit të futbollistit të Lilës pritet të jetë 50 milionë Euro. Nikolas Pepe mund të mos jetë më pjesë e kampionatit francez sezonin e ardhshëm. Ai pritet ta vazhdojë karrierën diku tjetër pas përfundimit të këtij kampionati.
Sipas mediave franceze, për Pepen janë duke u interesuar shumë klube evropiane. Në krye të listës mbeten kampionët e Gjermanisë, Bajerni i Mynihut. Futbollisti i Lilës shihet si një ndër talentet më premtues në Evropë.
Ai ka shënuar 16 gola në 23 ndeshjet e zhvilluara deri tani në këtë edicion të Ligës 1 tç Francës. Por cilësitë e 23-vjeçarit, kanë rënë në sy edhe të Mançester Sitit, Barcelonës dhe Arsenalit, të cilët duan ta kenë në skuadrat e tyre futbollistin e talentuar.
