ASNN – Tirana dhe Vllaznia janë fituesit e Kupës së Shqipërisë në Atletikë për Të Rritur, e cila është zhvilluar në pistën e stadiumit “Elbasan Arena”. Në këtë veprimtari kanë marrë pjesë ekipet e Tiranës, Vllaznisë, Skënderbeut, Teutës, Dinamos, Partizanit, Elbasanit, Mjeshtëria Sportive Durrës dhe Dinamo 2010. Në pistë kanë zbritur në total 149 atletë, teksa ishin 104 meshkuj dhe 45 femra.

Ndërkohë në këtë veprimtari, e cila në radhë është aktiviteti i pestë, kanë marrë pjesë edhe 36 atletë nga Kosova. Por numrin më të madh të sportistëve e ka sjellë Mjeshtëria Sportive Durrës, që përtej moshës së re të sportistëve, ka sjellë në pistën e “Elbasan Arenës” plot 45 atletë. Ndërkohë për femra pas Tiranës është renditur Skënderbeu me 62 pikë, kurse në vendin e tretë Teuta me 49 pikë.

Sakaq tek djemtë, pas Vllaznisë ka ardhur Tirana në vendin e dytë me 116 pikë dhe në të tretin Teuta me 56 pikë. Dhe mbi bazën e pikëve të grumbulluara, Izmir Smajlaj për meshkuj dhe Maria Stillo për femra ishin sportistët më të mirë të këtij veprimtarie. Ajo që duhet evidentuar dhe nënvizuar është fakti se në “Elbasan Arena”, ndryshe nga çfarë ka ndodhur me kampionatin e moshës 18 vjeç, kërcimi së larti, si dhe hedhja e diskut, gjyles dhe shtizës janë zhvilluar në këtë impiant.

Përgjithësisht një veprimtari e mirë e atletikës shqiptare, ndonëse asaj i ka munguar “mbretëresha” e rekordeve, Luiza Gega.

Kupa e Shqipërisë në Atletikë

Rezultatet teknike:

Meshkuj

110 m/p                      Bajram Muça (Vllaznia)                  15”02

400 m/p                      Florian Lata (Teuta)                         1’02”39

Së larti                        Klidi Malo (Skënderbeu)                 1.70 m

Hedhje disku                        Dhimitri Jorgos (Skënderbeu)       41.47 m

Së gjati                       Izmir Smajlaj (Vllaznia)                   7.32 m

400 m                         Edmond Murataj (Tirana)                50”48

Hedhje gjyle  Adriatik Hoxha (Teuta)                                15.90 m

1500 m                       Malvin Nikolla (Tirana)                    4’07”12

100 m                         Daniel Limani (Tirana)                    11”28

Trehapësh                 Gledis Halluni (Vllaznia)                14.73 m

200 m                         Mario Shestani (Tirana)                  22”39

Hedhje shtize           Juri Hoxholli (Skënderbeu)                        44.16 m

5000 m                       Genci Lugja (Tirana)                       15’17”22

4×100 m                     Tirana                                                 44”49

Si ekip: Vllaznia 135 pikë

Sportisti më i mirë: Izmir Smajlaj (Vllaznia) 991 pikë

Femra

100 m/p                      Sindi Prifti (Dinamo)                                    16”74

Së gjati                       Joana Hazizllari (Teuta)                 5.20 m

400 m                         Iljana Beqiri (Teuta)                         1’01”30

Hedhje gjyle  Emiljana Ciko (Tirana)                                8.10 m

1500 m                       Relaksa Dauti (Tirana)                    4’43”87

100 m                         Maria Stillo (Skënderbeu)              12”19

Trehapësh                 Dorina Myrto (Teuta)                       11.30 m

200 m                         Iveta Ushini (Skënderbeu)             25”40

Hedhje shtize           Etleva Laraj (Mj.Sportive Durrës)   20.47 m

4×100 m                     Tirana                                                 53”31

4×400 m                     Tirana                                                 4’26”45

Si ekip: Tirana 110 pikë

Sportistja më e mirë: Maria Stillo (Skënderbeu) 954 pikë