Tashmë Luiza Gega, së bashku me trajnerin e saj, Taulant Stërmasi, kanë arritur në atë pikë që bëjnë dhe përzgjedhjen e garave.

Që do të thotë se, duke pasur më të rëndësishme pjesëmarrjen në Kampionatin Evropian, që do të mbahet nga data 3, deri më 5 mars 2017 në kryeqytetin e Serbisë, në Beograd, atje ku llogaritet gjysmëfinale dhe finale në 3,000 metra, atëherë duket se do të shmanget vajtja në Ballkaniadë.

“Së pari, – thotë Stërmasi, – jemi duke planifikuar një garë më 17 shkurt 2017 në Stamboll. Në Ballkaniadë, Luiza ka 5 vjet që del e para dhe tashmë me rekord dhe nuk ka vlerë, sepse duke mos pasur rival çfarë do të tregojë?”

“Kështu pas Stambollit, gjithnjë nëse do ta bëjë, do të kryejmë një stërvitje tjetër speciale, e cila do të na ndihmojë për të qenë mirë dhe rezultativë në Evropian”, – ka shtuar ai.

Megjithatë Luiza Gega me vendin e dytë dje në Ostrava mrekullon me formën dhe rezultatet e saj super.

“IAAF Gala 2017”

Mitingu Ndërkombëtar i Atletikës

Ostravë – Republika Çeke

Rezultatet teknike të garës së 1,500 metrave:

Nr.       Atletja / Shteti                                    Koha

1)       Azumavit Embaje (Etiopi)               4’06”68

2)       LUIZA GEGA (SHQIPËRI)             4’08”26

3)       Uërku Taje Fantu (Etiopi)               4’08”56

4)       Rabab Arrafi (Marok)                       4’08”76

5)       Renata Plis (Poloni)                                    4’09”48

6)       Simona Vrzhalova (R. Çeke)         4’10”04

7)       Uini Shebet (Kenia)                                    4’11”45

8)       Diana Mezulianikova (R. Çeke)    4’11”53

9)       Ofelie Klod Boksberger (Francë)  4’17”56

10)      Denisë Krebs (Gjermani)                4’17”58

11)      Elisa Bortoli (Itali)                             4’18”39

12)      Karolina Giza (Poloni)                    4’18”86

13)      Katerina Halova (R. Çeke)             s’e përfundoi garën

14)      Petra Herzogova (R. Çeke)            s’e përfundoi garën

15)      Malika Akaui (Marok)                      s’e përfundoi garën