Izmir Smajlaj, kampioni i Evropës në kërcimin së gjati me 8.08 metra, sot do të pritet nga Ministrja e Arsimit dhe Sportit, Lindita Nikolla, dhe në mesditë nga presidenti i Komitetit Olimpik Kombëtar Shqiptar, Viron Bezhani. Madje ka qenë ky i fundit që e ka lajmëruar takimin e tij me Izmir Smajlajn, ndërsa të njëjtën gjë pat bërë dhe në korrik, ndërsa Luiza Gega do të dilte nënkampione e Evropës në 3,000 metra me pengesa.
Për Smajlajn, pas pritjes së Drejtorit të Sporteve në Ministrinë e Arsimit dhe Sporteve, Vladimir Gjonaj, të hënën në mëngjes në Rinas dhe pas pritjes së kryebashkiakes Voltana Ademi të martën, tashmë do të jenë titullaret e Ministrisë së Arsimit dhe Sportit dhe Komitetit Olimpik Kombëtar Shqiptar që do të presin Kampionin e Evropës në atletikë.
