ASNN -Në turneun e atletikës që po mbahet në Birmingam të Britanisë së Madhe (Mitingu i Birmingamit), një atlet 19-vjeçar nga Etiopia, Samuel Tefera, ka regjistruar një rezultat fantastik në këtë garë, duke thyer edhe rekordin botëror që mbahej po nga një afrikan, marokeni Hisham El-Gerruzhi, të vendosur në pistën e Shtutgartit në vitin 1997.

Pra, u deshën plot 22 vjet që rekordin e mëparshëm të një atleti maroken ta thyente një tjetër afrikan, por këtë herë një 19-vjeçar. Fenomeni i ri i atletikës botërore e përshkoi garën e 1500 metrave për 3 minuta 31 sekonda e 04 të qindtat, duke thyer rekordin e mëparshëm të El-Gerruzhi me 14 të qindtat.

Rekordmeni i mëparshëm kishte vendosur kohën 3 minuta, 31 sekonda e 18 të qindtat. Aq i shpejtë ishte 19-vjeçari në pistë, sa i la konkurrentët e tjerë në garë afërsisht 200 metra prapa, teksa u afrua finishit me një shpejtësi të madhe dhe triumfator. Një vit më parë, Tefera kishte dalë “kampion bote” në të njëjtën garë, por pa rekord.

Dhe u deshën më pas se 12 muaj që ai të hynte në histori me këtë rezultat fantastik e të jashtëzakonshëm.