ASNN – Kliti Arapi nuk do të jetë më pjesë e Albpetrolit, teksa ka pranuar ofertën e Apolonisë për të luajtur në Kategorinë Superiore. Ai ka firmosur një kontratë 4-vjeçare, e cila përfundon më 2019-tën.
Dhe patosarakët për atë që ka dhënë për Albpetrolin, qoftë dhe duke u aktivizuar në Kategorinë e Dytë, i kanë uruar suksese. Sakaq skuadra e Llazar Dushit ka vijuar përgatitjet e saj, ndërsa faza e dytë nis më 22 shkurt 2015.
Deri më tani Albpetroli ka luajtur vetëm një miqësore, atë ndaj Tomorit në Berat, teksa është mundur 1-2.
