ASNN – Adnan Januzaj nuk do të largohet nga Borusia e Dortmundit dhe këtë e ka konfirmuar agjenti i lojtarit Dirk Devrijs.
Mesfushori shqiptar nuk po kalon një edicion të mirë te gjigandja gjermane, por, përkundër kësaj gjendjeje, agjenti i lojtarit këmbëngul se trajneri Tomas Tushel e pëlqen klientin e tij.
“Trajneri i Dortmundit është i çmendur pas Adnanit, – ka deklaruar agjenti belg, duke shtuar: “Klubi e ka siguruar Adnanin se ai do të jetë në radhët e Dortmundit edhe pas festave të fundvitit.”
Ardhja e shqiptarit që luan për përfaqësuesen belge nga Mançester Junajtid tek skuadra gjermane ishte një nga goditjet më të spikatura të orëve të fundit të merkatos së kësaj vere.
Por muajt që pasuan nuk kanë rezultuar edhe aq të frytshëm për Januzajn, i cili nuk ka arritur të konfirmohet si titullar në formacionin bazë të Borusias së Dortmundit.
