ASNN – Rrugëtimi drejt Botërorit “Katar 2022” vazhdon me praqitjet e përfaqësueseve më të mira afrikane, fituese të fazës së dytë, të cilat ndodhen tashmë një hap larg ëndrrës së tyre. Republika Demokratike e Kongos, Kameruni, Mali, Egjipti dhe Gana zbritën në fushë për ndeshjen e parë të finaleve kualifikuese, duke pritur përkatësisht Marokun, Algjerinë, Tunizinë, Senegalin dhe Nigerinë.
Kongo-Marok mbyllet në barazim 1-1. Uisa kalon vendasit në epërsi e, më pas është Tisudali ai që shënon golin e barazimit për Marokun. Algjeria mundi Kamerunin 0-1, me gol të Slimanit, ndërsa Tunizia arriti një fitore 1-0 në Mali falë autogolit të Sisakos. Mohamed Salah ka sfiduar sërish Sadio Manènë në ndeshjen Egjipt-Senegal.
Egjipti ka shlyer humbjen e pësuar në finalen e Kupës së Afrikës më 6 shkurt (2-4 pas 11-metërshve) duke mundur 1-0 Senegalin. “Faraonët” fituan kështu ndeshjen e parë të “play-off”-it, duke hedhur një hap drejt misionit për të shkuar në fazën finale të Botërorit në Katar. Në Kajro, Saliu Sis shënoi autogol në të 4-ën minutë. Balo-Turé dhe Keita ishin në stol për të qenë të gatshëm për ndeshjen e kthimit të planifikuar për të martën në Diamniadio.
Ndeshja mes Ganës dhe Nigerisë përfundon 0-0. Ndeshjet e kthimit janë planifikuar për të martën më 29 mars 2022 dhe do të jenë vendimtare për të vendosur se cilat formacione do të marrin pjesë në Botërorin e fundvitit në Katar.
