ASNN – Pas 13 javëve të para në kampionat, pra kur janë luajtur 1/3 e ndeshjeve, duket se Partizani e Vllaznia, janë skuadrat që do të rivalizojnë për titull, ndërkohë që katërshen e parë e plotësojnë Dinamo me Egnatian. Ndërkohë, një skuadër që nuk mund të anashkalohet është Elbasani, ekip i prirur për t’u hapur punë skuadrave të mëdha e rivale për titull.

Kështu, Elbasani ka gjashtë lojtarët që kanë vrapuar më shumë në një ndeshje. Janë 6 prej tyre që kanë spikatur te verdheblutë në Superiore. Vendin e parë e mban mbrojtësi Bledar Lila, që në një takim me Skënderbeun ka vrapuar plot 12.2 kilometra. Më pas vjen Kristian Dros, lojtari i përfaqësueses së Moldavisë, i cili spikati në takimin e fazës së parë kundër Tiranës në Stadiumin “Arena Kombëtare”, ku përshkoi 12 km.

Edon Hasani është i radhës dhe që mban vendin e parë kundër Partizanit. 11.7 km vrapoi Hasani për të ndihmuar Elbasanin në atë barazim 1-1. Kundër Teutës ishte Klevis Kasa, që me 11.6 kilometra qëndron mbi të tjerët. Me po të njëjtën statistikë, vetëm pak metra më pak, e ndjek Ardit Hila kundër Egnatias. 6-shen e të parë e mbyll Esin Hakaj, i cili përballë Skënderbeut përshkoi 11.4 km.

Këto ishin “maratonamakët” e Elbasanit në kampionat.