ASNN – Mbrojtësi shqiptar, Adonis Ajeti, ka kompletuar transferimin e tij nga Bazeli tek skuadra tjetër zvicerane, FC Vilin. Kështu, lojtari nga Kosova është i larguari i radhës nga klubi helvet i Bazelit.
Ajeti do ta vijojë karrierën e tij me ekipin e FC Vilit të ligës së dytë zvicerane. Këtë njoftim e ka bërë të ditur edhe vetë lojtari nëpërmjet profilit të tij në rrjetin social “Facebook”.
“Edhe zyrtarisht jam kojtar i “FC Vil 1900”, – shkruan Adonisi. – Dua ta falënderoj FC Bazelin për gjithçka dhe ju dëshiroj shumë suksese. Shpresoj dhe besoj se me “FC Vil 1900” do t’i realizojmë synimet tona drejt Superligës zvicerane.”
Transferimin e Adonisit e ka përshëndetur edhe vëllai i tij, Arlindi, i cili tanimë është zhvendosur në Serinë A, ku luan me Frosinonen. “Urime vëlla dhe shumë suksese në ekipin e “FC Vilit””, – shkruan Arlindi në profilin e tij në rrjetin social “Facebook”.
