ASNN – Më në fund, futbollisti nga Istogu ka marrë lëvdata nga trajneri i tij. Trajneri i Mançester Junajtid, Luis Van Gal, e ka lavdëruar kosovarin Adnan Januzaj pas paraqitjes kundër Leister Sitit.
Holandezi deklaroi se Adnani e tregoi veten në stërvitje për ta fituar një vend në përbërjen e parë të skuadrës së tij. “Ai ka shumë talent, por duhet ta tregojë atë talent si në ndeshje, ashtu edhe në stërvitje”, – deklaroi Van Gali për të përditshmen britanike, “Daily Mail”.
“Unë nuk i bëj formacionet, lojtarët i bëjnë vetë ato, – vijoi holandezi i stolit të Mançester Junajtid. – Unë duhet ta krahasoj Januzajn me Huan Matën dhe këtë radhë zgjodha Adnanin.”
“Konkurrenca është e madhe dhe sigurisht se është më problem për t’u kontrolluar nga lojtarët”, – përfundoi trajneri i Mançester Junajtid, Luis Van Gal, pas fitores 3-1 që skuadra e tij arriti në fundjavë ndaj Leister Sitit.
