ASNN – Duke qenë se fundi i vitit po vjen, linja “Spray” e muajit nëntor prezantohet në një formë shumë të veçantë, e cila shkëlqen në sfondin e një tabloje monokromatike ngjyrash gri dhe të zezë, të alternuar me një mori pikash të zeza metalike, të spërkatura dhe shpërhapura me mjaft shije dhe origjinalitet mbi tutat, bluzat, kapuçët dhe atletet e koleksionit të ri adidas “Rita Ora FW14”. Shpirti rebel i artit të rrugës duket se i kundërvihet ngjyrës argjend mbizotëruese, ndërkohë që siluetat kryesore ruajnë me përpikëri elementet e stilit “streetwear”. Format klasike sportive janë mjaft komode dhe në pjesën e brendshme janë stiluar me një material të butë, siç është mëndafshi francez, gjithashtu janë mjaft të mprehta në sipërfaqe, si një thikë metalike.

Logoja e markës adidas, e vendosur në qendër të bluzës është e zezë e theksuar por njëkohësisht tepër e thjeshtë, me tërfilin klasik adidas të stampuar prej një materiali gome të shndritshëm, mbi bluzat, kapuçët dhe atletet, duke krijuar një kontrast me sfondin kaotik “të spërkatur” nga miliona grimca. Në kontrast të thellë me linjën e parë, linja e dytë e këtij koleksioni, e quajtur “November’s Roses”, është një shpërthim shumëdimensional i kaosit të natyrës. Ky koleksion karakterizohet nga një dizajn ngjyrash të forta, të gjalla, ekspresive e plot detaje, të cilat simbolizojnë lulëzimin e trëndafilave, të shprehura me printe të shumta lulesh përreth një dyndjeje të fuqishme insektesh.

Ngjyra blu e shprehur në tonet e errëta të mesnatës, krijon një sfond të thellë, e cila i ngjason një skene të gjallë, ku luhen nga të gjitha llojet: bluzat e shkurtëra ose “cropped tee”, veshjet që janë tashmë pjesë e trashëgimisë shumëvjeçare adidas dhe një kostum “body” apo “bodysuit”, i dizenjuar dhe stiluar bukur deri në detajin më të vogël në pjesën e bustit dhe konturuar në pjesën anësore, në të gjithë gjatësinë e trupit nga tre vijat klasike adidas. Pantallonat e gjera dhe të lirshme, të tipit “boyfriend”, të prodhuara në pëlhura të sofistikuara sportive, krijojnë një kontrast interesant kundrejt feminitetit të harlisur, rikonceptimit të performancës klasike në veshje dhe të veshurit në mënyrë të gjallë, energjike, luksoze, me forma të larmishme dhe shumëngjyrëshe printesh.

Produktet e linjave Spray dhe Roses do të gjenden në dyqanet adidas në mbarë botën si dhe në Shqipëri në dyqanet ekskluzive adidas në QTU, City Park, TEG dhe Myslym Shyri (pranë Vodafone), gjatë muajit Nëntor.

#unstoppable

adidas.com/ritaora