ASNN – Ada Velipojë-Besa do të luhet sot në stadiumin “Loro Boriçi” në ora 15:00. Ky është lajmi që ka dhënë skuadra velipojake në faqen e saj të “Facebook”-ut, ndërkohë që janë ftuar të gjithë tifozët të jenë në stadium për të mbështetur “Djemtë e detit” në rrugën e tyre drejt qëndrimit në Kategorinë e Parë.
Ndërkohë një tjetër skuadër që do të luajë si pritëse në një fushë asnjanëse është Veleçiku, e cila në fushën me bar artificial të Akademisë së futbollit Internacional do të presë Kastriotin.
Ndryshe nga ndeshjet e tjera të Kategorisë së Parë, ky takim do të luhet në Pezë-Helmës në ora 14:00. Dy sfida interesante në luftën për mbijetesë në të Parën.
