ASNN – Pas ndeshjeve të luajtura të enjten në mbrëmje në kuadër të turit të 32-shes së Ligës së Evropës, janë përcaktuar edhe ekipet që vijojnë më tej në këtë veprimtari, pra në turin e 16-shes. Natyrisht, edhe në këtë veprimtari, sikurse dhe në Ligën e Kampioneve, “ligjin” e bëjnë ekipet e kampionateve të mëdha elitare në Evropë, por kryesisht ato spanjolle.

Kjo pasi në garë për trofeun është Sevilja, Valencia dhe Vijareali, të 3 skuadra pretendente për trofeun. Natyrisht, edhe Anglia përfaqësohet me dy skuadra shumë të forta, të tilla si Çellsi dhe Arsenali, që kanë potencialisht mundësinë për të marrë kurorën e kësaj veprimtarie, e dyta më e rëndësishme në kontinent pas Ligës së Kampioneve.

Italiane (Serie A) janë dy skuadra, të cilat pretendojnë të marrin trofeun dhe kanë realisht shanse. Është Interi dhe Napoli, megjithëse rrugëtimi i tyre deri tani është paksa me fat sepse shorti ishte relativisht i lehtë për ta.  Nga ekipet gjermane është vetëm Eintrahti i Frankfurtit, që ia doli të jetë ende në garë, kurse nga Liga 1 e Francës është Rena.

Kuptohet, në garë do të vijojnë të jenë edhe skuadra portugeze e Benfikës, Dinamo e Kievit, Dinamo e Zagrebit, Krasnodari dhe Zeniti rus, Sllavia e Pragës, si dhe Salzburgu austriak. Me pak fjalë, janë 11 vende të kontinentit të vjetër që përfaqësohen në këtë fazë të Ligës së Evropës.

Ja skuadrat e kualifikuara për në turin e 16-shes së Ligës së Evropës:

1. Arsenal
2. Benfika
3. Çellsi
4. Dinamo Zagreb
5. Dinamo Kiev
6. Eintraht Frankfurt
7. Inter
8. Krasnodar
9. Napoli
10. Renë
11. Salzburg
12. Sevilja
13. Sllavia Pragë
14. Valencia
15. Vijareal
16. Zenit Shën Pjetërburg

Vendet e përfaqësuara:

Spanja                       3

Anglia                                    2

Italia                            2

Rusia                         2

Gjermania                  1

Ukraina                      1

Franca                       1

Austria                       1

Portugalia                  1

Kroacia                      1

Republika Çeke       1