ASNN – Pas derbit të kryeqytetit, të zhvilluar të shtunën, sot luhen të gjitha ndeshjet e tjera të javës së 24-t të Kategorisë Superiore të Kampionatit Kombëtar të Futbollit.

Kështu, duke nisur nga ora 14:00, Vllaznia pret në Shkodër Kukësin, ndërsa po në të njëjtën kohë, Bylisi është mysafir në Durrës, për t’u ndeshur me Teutën vendase.

Takimi më i spikatur i së shtunës është padyshim ai i orës 14:00, që do të luhet në Laç dhe ku skuadra vendase do të përballet me kampionen në fuqi dhe kryesuesen e renditjes, Skënderbeun.

Java e 24-t mbyllet me takimin e orës 17:00, ku Flamurtari do të presë në Vlorë Tërbunin në një përballje që vlen mbijetesën.

Renditjen e Kategorisë Superiore vazhdon ta kryesojë Skënderbeu, me 53 pikë, një më tepër sesa Partizani, ndërsa Tirana ka mbetur në kuotën e 39 pikëve, në vendin e tretë, e Teuta në vendin e 4-t, me 38 pikë.