ASNN – Kategoria Superiore e Kampionatit Kombëtar i luan sot të gjitha takimet e javës së saj të 21-të dhe 4 prej tyre nisin në ora 13:00 dhe Rrjeti i Radio-Televizionit Shqiptar do të sjellë për sportdashësit drejtpërdrejt takimin midis Tiranës dhe Bylisit, që do të luhet në Stadiumin “Selman Stërmasi” të kryeqytetit.

Ndërkohë, ndeshja Terbuni-Skënderbeu do të luhet në Stadiumin Kombëtar “Qemal Stafa” të kryeqytetit, pasi fusha e stadiumit të Pukës është e mbuluar nga bora. Klubet ranë dakord që sfida të zhvillohet në Tiranë. Po duke nisur nga ora 13:00, luhet në Kukës takimi midis skuadrës vendase dhe Teutës.

Ndërsa në Fushën Sportive “Reshit Rusi” të Shkodrës zhvillohet takimi Vllaznia-Partizani. Takimi i fundit i kësaj jave është ai i orës 16:00, midis Flamurtarit dhe Laçit, që do të luhet në Vlorë.

Renditja e Kategorisë Superiore kryesohet nga Skënderbeu, me 46 pikë, dy më tepër sesa Partizani i vendit të dytë, ndërsa Tirana mban vendin e 3-të me 35 pikë, dhe Teuta të 4-tin me 33 pikë.

Kategoria Superiore

Java e 21-të

Të shtunën, 13 shkurt 2016:

Vllaznia – Partizani                         (13:00)                                   

Fusha Sportive “Reshit Rusi”, Shkodër

Kukësi – Teuta                                  (13:00)

Stadiumi “Zeqir Ymeri”, Kukës

Tërbuni – Skënderbeu                     (13:00)

Stadiumi Kombëtar “Qemal Stafa”, Tiranë

Tirana – Bylis Ballsh                                    (13:00)

Stadiumi “Selman Stërmasi”, Tiranë

Flamurtari – Laçi                               (16:00)

Stadiumi “Flamurtari”, Vlorë