ASNN – Luftëtari-Tirana është ndeshja e radhës që do të transmetojë Rrjeti i Radio-Televizioni Shqiptar.
Sot, në orën 13:00 në Fushën Sportive të Peqinit, dy skuadrat do të sfidojnë njëra-tjetrën në një ndeshje delikate, e vlefshme kjo për javën e 8-të të Kategorisë Superiore.
Skuadrat e kreut të renditjes e kanë ngushtuar tashmë diferencën, teksa Skënderbeu kryesues ka 19 pikë pas barazimit me Kukësin, Partizani në vend të dytë me 17 pikë, ndërsa Kukësi 14.
Tirana e vendit të katërt që ka 13 pikë, kërkon patjetër fitoren për t’u ngjitur në renditje, dhe për të vijuar serinë e rezultateve pozitive.
Bardheblutë duan të ruajnë edhe rekordin prej 29 vitesh që nuk munden nga gjirokastritët.
