ASNN – Pas barazimit në ndeshjen e Kupës me Tiranën, tani vjen një sfidë tjetër mjaft e rëndësishme për Sopotin. Sot librazhdasit do të përballen në sfidë direkte për vendin e parë me Tomorin në Fushën Sportive “Nexhip Trungu” të Cërrikut.
Librazhdasit vijnë me një moral të mirë, pasi një javë më parë arritën barazimin me Dinamon dhe mbajtën kryesimin. Lojtarët janë të çlodhur dhe në formë të mirë fizike, pasi nuk janë aktivizuar as në ndeshjen e Kupës.
Paraqitjet që ka bërë skuadra në këtë fillim sezoni kanë qenë mjaft të mirë, si në lojë, ashtu edhe në rezultat. Lojtarët janë mjaft të karikuar moralisht dhe besojnë se do ta kapërcejnë me rezultat pozitiv edhe Tomorin e do të mbajnë akoma vendin e parë.
Edhe mbështetja e tifozëve nuk do të mungojë në këtë ndeshje, pasi Ultras Sopot nuk e tradhtojnë asnjëherë ekipin e tyre.
