ASNN – Ashtu siç është lajmëruar dhe më parë, ndeshjen e vlefshme për javën e 8-të të Kategorisë së Parë ndaj Lushnjës, Sopoti do ta luajë sot në Stadiumin “Skënderbeu” të Korçës.

Dhe pasi u kanë dhënë dorën e fundit përgatitjeve të tyre në kompleksin Dinamo, librazhdasit janë nisur dhe janë grumbulluar në Pogradec, atje ku kanë kaluar dhe mbrëmjen e së premtes.

Jo vetëm për të fituar ndeshjen, por dhe për të mbajtur kryesimin në grupin e Jugut, mobilizimi dhe motivimi në skuadrën e drejtuar nga Gentian trajneri Stojku është i madh dhe i lartë.

Pritet që të ketë sa më shumë tifozë në Korçë, gjithnjë në mbështetje të Sopotit, ndërsa autobusët e vënë në dispozicion të fansave do të nisen nga Librazhdi në ora 10:00 dhe 10:30.

Tifozët i kanë bërë thirrje njëri-tjetrit për të mos munguar në spektalin e radhës, sepse, sipas tyre, Sopoti ka garantuar fitoren ndaj Lushnjës, ndonëse në realitet do të jetë më shumë se sa e vështirë.