ASNN – Sopotit duket se nuk po i buzëqesh fillimviti 2015, ndonëse ka bërë blerje të bujshme gjatë lëvizjeve të futbollistëve në dimër, teksa kërkon ngjitjen në Kategorinë Superiore.
Mirëpo tre humbjet radhazi, më 20 dhjetor të vitit të kaluar 0-3 me Dinamon, më 7 shkurt të këtij viti 1-2 me Tomorin dhe më 15 shkurt të këtij viti 0-1 me Bylisin, duket se e kanë futur këtë skuadër në krizë.
Për rrjedhojë, kur tek lojtarët ka dhe shqetësime për shkak të mos marrjes së pagave, atëherë librazhdasit kërkojnë kthesën e rezultateve në Pogradec, në një ndeshje të vështirë jashtë fushe.
Nuk duhet harruar se në fazën e parë, në fushën e Cërrikut, Sopoti dhe Pogradeci kanë barazuar 1-1. Ndaj pas tre rezultatesh pozitive, përtej vështirësisë, Sopoti kërkon kthesën në Pogradec.
