ASNN – Sopoti ka zhvilluar stërvitjen e fundit dje në kompleksin “Dinamo”, seancë kjo që shtë drejtuar nga trajneri Gentian Stojku. Por sipas faqes në “Facebook”, FC Sopoti, për librazhdasit ka qenë një javë e zymtë me një qetësi të brishtë, e cila mund të prishet në çdo kohë.

“Sipas informacionit që kemi ekipi thuajse nuk është stërvitur fare këtë javë. Nuk ka impenjim dhe mungon harmonia brenda grupit. Për rrjedhojë, grupin i tifozëve “Ultras Sopot” do ta bojkotojnë ndeshje dhe do të shohim se çfarë do të ndodhë”, – kanë thënë librazhdasit në faqen e tyre në “Facebook”.

Kështu që fitorja ndaj Shkumbinit në Peqin duket se është detyrim jo vetëm për të shlyer atë humbje të papritur me Lushnjën, por dhe për t’u pajtuar me tifozët.