ASNN – Veprimtaria e dytë e futbollit të klubeve të kontinentit, Liga e Evropës , do të luajë sonte ndeshjet e kthimit të çerekfinaleve, në përfundim të të cilave do të njihen edhe 4 skuadrat gjysmëfinaliste. Takimi që do të sillet për sportdashësit drejtpërdrejt nga Rrjeti i Radio-Televizionit Shqiptar, është ai midis Beshiktashit dhe Lionit, që do të luhet duket nisur nga ora 21:05.
Kjo përballje, e cila në takimin e parë, të zhvilluar në Francë, u njollos nga përplasjet e dhunshme midis tifozëve, i sheh “galët” të vijnë si favoritë në ndeshjen e kthimit. Lioni fitoi 2-1 në fushën e vet, por goli i shënuar në fushë të huaj u jep shpresë turqve për ndeshjen e sotme. Në takimet e tjera, që nisin gjithashtu në ora 21:05, Genku pret në fushën e vet Celta Vigon.
Belgët synojnë të përmbysin atë humbje 2-3 të pësuar në Spanjë, ashtu sikundër shpreson të bëjë në shtëpi edhe Shalke 04-tra përballë Ajaksit, që e ka fituar sfidën e parë 2-0. Ndërsa favoritja për këtë trofe, Mançester Junjajtid pret në fushën e vet Anderlehtin, pas barazimi 1-1 në takimin e parë në Belgjikë.
