ASNN – Pasi e ka njohur të marten gjysmëfinalisten e parë, Botërori i Futbollit për Klubet do të njohë sot edhe gjysmëfinalisten e tij të dytë dhe kur Real i Madridit të përballet me Kashima Entllërs. Kjo sfidë, që vë përballë kampionëve të Evropës dhe fituesve në fuqi të trofeut të këtij Botërori, kampionët e Azisë, në takimin që nis ora 17:30.

Kjo ndeshje, sikundër të gjitha sfidat e këtij Botërori, do të sillet për sportdashësit drejtpërdrejt në Rrjetin e Radio-Televizionit Shqiptar, në kanalin RTSH Sport. Reali vjen në këtë përballje si gjysmëfinaliste e drejtpërdrejtë, në bazë të vetë formulës së këtij Botërori, që favorizon kontinentin evropian dhe atë të Amerikës Jugore.

Ndërsa japonezët vijnë pasi kanë mundur në çerekfinale meksikanët e Gualaharës, me rezultatin 3-2. Dueli për vendin e 3-të dhe të katërt të këtij turneu, që po zhvillohet në Emiratet e Bashkuara Arabe, do të luhet të shtunën pasdite, ndërsa finalja e madhe, të shtunën në mbrëmje.