ASNN – Kategoria Superiore e Kampionatit Kombëtar të Futbollit ul sonte siparin e javës së 28-të të saj, me takimin midis Tiranës dhe Tërbunit, që ka nisur të luhet në ora 19:00 në Stadiumin “Selman Stërmasi” të kryeqytetit.
Të 4 takimet e para të kësaj jave janë luajtur të shtunën dhe ndeshja më e rëndësishme ka qenë ajo midis Laçit dhe Partizanit, e cila u transmetua drejtpërdrejt nga Rrjeti i Radio-Televizionit Shqiptar dhe është mbyllur me rrjeta të paprekura.
Të kuqtë lëshojnë kështu dy pikë të çmuara në fushën e Laçit dhe e çojnë në 5 pikë diferencën me Skënderbeun e vendit të parë. Nga ana e tyre, korçarët kanë fituar 2-1 me Vllazninë.
Në sfidën tjetër të luajtur në orën 16.00 Kukësi ka fituar 2-0 ndaj Bylisit në fushën e këtij të fundit. Sfida e luajtur në orën 19:00, ajo midis Teutës e Flamurtarit është mbyllur në barazim 1-1.
