ASNN – Në këtë kampionat Skënderbeu është i pathyeshëm dhe po tregon se edhe këtë sezon është pretendenti kryesor për titullin “kampion” në Kategorinë Superiore. Korçarët mundën 2-1 Tiranën edhe pse vinin nga një humbje minimale me Beshiktashin në Ligën e Evropës. Një ndeshje e luftuar gjatë të gjithë kohës por që në fund i dha mundësinë Skënderbeut të ruajë kreun e renditjes.

Fati i takimit u vendos në minutat e fundit nga gerhar Porgni i cili hyri në fushë si zëvendësues. Sfida nisi vrullshëm për bardheblutë që shënuan pas vetëm 3 minutave lojë me Masato Fukui. Japonezi shfrytëzoi një krosim të kapitenit Erando Karabeci. Futbollistët vendas nuk u befasuan nga goli duke rrezikuar vazhdimisht, portën e gardianit bardheblu, Stivi Frashërit.

Korçarët fituan pjesën më të madhe të dyluftimeve ne bardheblutë duke zotëruar më gjatë topin. Në mesin e pjesës së parë ishte Bernard Berisha, i cili barazoi rezultatin. Goditja e tij nuk u grushtua nga portieri Tiranës. Skënderbeu ishte më kërkues edhe në minutat e mbetura duke zotëruar sfidën. Pas pushimit Tirana rikthehet më e kthjellët duke iu afruar më shumë portës kundërshtare.

Por, në krahun tjetër, nuk mungojnë edhe përpjekjet e Skënderbeut. Goli që përcaktoi fitoren u shënua në minutën e 84-t. Gerhard Progni realizoi duke justifikuar lëvizjen e trajnerit Mirel Josa, që e aktivizoi në vend të Liridon Latifit në pjesën e dytë. Skënderbeu me këtë fitore kryeson i vetëm me pikë të plota, ndërsa Tirana mbetet në vendin e 6-të në kuotën e 5 pikëve.

Kategoria Superiore

Java e katërt:

Të shtunën:

TEUTA – TËRBUNI                          3-1

Shënues: Lamçja 11’, A. Magani 33’, Gripshi 91’ / Dhrami 19’

Stadiumi “Niko Dovana”, Durrës

PARTIZANI – KUKËSI                     2-0

Shënues: Plaku 34’, Sukaj 58’

Stadiumi Kombëtar “Qemal Stafa”, Tiranë

Të dielën:

LAÇI – BYLIS                                                3-1

Shënues: Xhejms 9’, Meto 80’, 83’ / Mbella 11’

Stadiumi “Kastrioti”, Krujë

FLAMURTARI – VLLAZNIA            2-0

Shënues: Greca 18’, Tskhadadze 42’

Stadiumi “Flamurtari”, Vlorë

Të hënën:

SKËNDERBEU – TIRANA              2-1

Shënues: Berisha 26’, Progni 84’ / Fukui 3’

Stadiumi “Skënderbeu”, Korçë

Renditja

Nr.       Skuadra                     N.        F.         B.        H         Gsh-Gp          Pikë

1. Skënderbeu 4          4          0          0          6-1                  12
2. Partizani 4          3          1          0          7-3                  10
3. Teuta 4          3          0          1          6-4                  9
4. Kukësi 4          2          0          2          5-3                  6
5. Laçi 4          1          3          0          5-3                  6
6. Tirana 4          1          2          0          4-4                  5
7. Flamurtari 4          1          1          2          3-3                  4
8. Tërbuni Pukë 4          1          0          3          4-7                  3
9. Bylis Ballsh 4          0          1          3          1-7                  1
10. Vllaznia 4          0          0          4          1-7                  0