ASNN – Sabjen Lilaj ka futur në hall të madh Agostinelin pasi nuk është vendosur akoma nëse do të jetë nga minuta e parë në fushë, apo do ta nisë nga stoli. Një vendim i tillë do të merret vetëm nesër disa orë përpara nisjes të ndeshjes ndaj Kukësit, ndërkohë që formacioni i Skënderbeut po ndryshon nga dita-ditës këtë javë, sigurisht duke pasur probleme dëmtimi.

Nëse Lilaj nuk do të jetë gati edhe në takimin e nesërme, formacioni i kampionëve ndryshon sërish, teksa vetëm mbrojtja vijon të jetë e njëjta. Shehi në portë dhe katërshja Vangjeli dhe Mici nga krahët dhe Radas e Osmani në qendër janë të sigurtë. Në mesin e fushës Orelesi ndryshe nga ndeshja me Tiranën do të kthehet në formacion.

Ndërkohë, pranë tij do të jetë Mustafa në rast se Lilaj nuk do të rrezikojë edhe këtë fundjavë. Një tjetër mëdyshje është edhe Fukui që nëse nuk luan do të jetë Nimaga që do ta nisë nga fillimi. Xhejms dhe Latifi janë në formacion duke plotësuar repartin përpara Hamdi Salihi.

Formacioni i mundshëm i Skënderbeut (4-2-3-1):

                                    Shehi

Vangjeli         Radas             Osmani          Mici

                 Orelesi           Mustafa(Lilaj)

Fukui                         Xhejms                      Latifi (Nimaga)

                                    Salihi