ASNN – Një kundërshtar të rrezikshëm, që, pas eliminimit nga Kupa, pritet të luftojë fort në kampionat. Kështu e ka përkufizuar trajneri i Skënderbeut, Mirel Josa, sfidës e sotme me Tiranën, që do të luhet në Korçë, duke nisur nga ora 18:00.
Skënderbeu përballet sonte me Tiranën, në takimin e vlefshëm për javën e 22-të të Kategorisë Superiore, dhe trajneri kryeqytetas i korçarëve, Mirel Josa, e ka paralajmëruar skuadrën të mos krijojë iluzione nga eliminimi në Kupë i bardhebluve.
Madje për Josën, Tirana tanimë paraqet më shumë rrezikshmëri në kampionat. Në të dy takimet e deritanishme të këtij sezoni në kampionat, Skëndëerbeu ka fituar si në Korçë, ashtu edhe në kryeqytet ndaj bardhebluve, me të njëjtin rezultat, 2-1.
