ASNN – Trajneri i Skënderbeut Mirel Josa tha pas ndeshjes se humbja ishte dëshpëruese dhe se skuadra e tij nuk e meritonte disfatën. Ai kujtoi e ekipi luajti mirë dhe kishte lojën nën kontroll deri në momentin ku u pësua goli i barazimit Josa vuri në dukje përvojën e Dinamos në ndeshje të nivelit të tillë dhe kualitetet e tyre. “Ishte një ndeshje e mirë nga ana jonë dhe unë jam i kënaqur, por nuk duhet ta lëshonim lojën në fund”, – tha ai gjatë konferencës për shtyp.

“Kundërshtari ishte ekip me eksperiencë dhe arriti ta fitojë ndeshjen”, – shtoi trajneri kryeqytetas i korçarëve, që ishte dukshëm mjaft i mërzitur pas humbjes ndaj Dinamos se Zagrebit, kjo edhe për shkak të rezultatit të ndeshjes. Trajneri bardhekuq deklaroi se nuk e priste një fund të tillë dhe se skuadra gaboi në organizim. “Nuk e prisnim një rezultat të tillë dhe mund te them që jam shumë i mërzitur me ekipin, – tha Josa. – Krahët nuk funksionuan ashtu siç desha unë.”

“Dhe kjo ndikoi edhe në lojë, ku ne vuajtëm shumë në organizimin e aksioneve, – vijoi ai. – Nëse ndeshja do kishte mbaruar 1-1 do ishte ndryshe dhe mendoj se ky do ishte rezultati i me i drejte i sfidës. Goli i dytë na i rrëzoi moralin dhe tashmë do të shkojmë në ndeshjen e kthimit me një mision shumë herë më të vështirë. Në pjesën e dytë patëm një moment kur mund të shënonim dhe golin e dytë por nuk e arritëm dhe për këtë me vjen keq.”

“Megjithatë, do të provojmë më të mirën në takimin e kthimit, pavarësisht se Dinamo është tani e avantazhuar nga ky rezultat, – theksoi trajneri i Skënderbeut. – Ndeshja e kthimit është shumë afër dhe ne do të shkojmë për të bërë lojën tonë edhe në ato 90 minuta të tjera. Më vjen keq për tifozët që u zhgënjyen nga humbja, por futbolli kështu është dhe ne duhet të mendojmë për sfidat e ardhshme.” Takimi i kthimit luhet të martën e ardhshme në Zagreb.