ASNN – Luftëtari bëhet “kështjellë”, thyen Skënderbeun dhe bën një hap drejt mbijetesës në Superiore. Një tjetër ndeshje e rëndësishme e javës së 26-të në Kategorinë Superiore ishte ajo mes Luftëtarit dhe Skënderbeut. Pritej të ishte një duel i fortë nisur nga pozitat e skuadrave dhe nga përbërja e tyre. Fituan gjirokastritët me rezultatin 1-0, me një gol të shënuar në minutat e fundit të ndeshjes nga Dunga.

Sa i takon lojës, duhet thënë se Skënderbeu ishte cilësisht më lart dhe goditi dy herë shtyllën, por kjo nuk mjaftoi, sikurse e tha pas ndeshjes edhe trajneri Orges Shehi, skuadra korçare pati probleme në finalizim dhe sulmi kërkon më shumë qartësi në veprime. Luftëtari nuk bëri ndonjë ndeshje të madhe, por ia doli të mos pësojë gol dhe më shumë akoma, kur shënon, gjërat shkojnë në linjën e duhur.

Vetë trajneri Julian Ahmataj tha pas ndeshjes se Luftëtarit i interesonte rezultati dhe rezultati me vlerë 3 pikë i jepte stimul për sfidat e ardhshme, por jo qetësi, pasi gara tani është delikate dhe kërkon përkushtim në çdo ndeshje. Pas fitores së sotme, Luftëtari ngjitet në kuotën e 31 pikëve, një më shumë se Tirana, të cilën e parakalon në renditje me një pikë më shumë dhe i merr vendin e 7-të.

Pra bardheblutë bien në vend të tetë të klasifikimit. Me rëndësi për këto dy skuadra do të jetë dueli i fundit direkt midis tyre. Gjithsesi, në përfundim të javës së 26-të mund të pranohet gjerësisht se dy skuadra kanë dalë të fituara në maksimum: Partizani që ruan distancën në krye të tabelës, si dhe Luftëtari që parakalon Tiranën dhe bën një hap të madh drejt mbijetesës.

Kategoria Superiore

Java e 26-të

Të premten, 29 mars 2019:

Kukësi – Partizani                1-1

Të shtunën, 30 mars 2019:

Luftëtari – Skënderbeu        1-0

Tirana – Laçi                          (17:00)

Teuta – Kastrioti                    (17:00)

Flamurtari – Kamza              3-0 (në tavolinë)

Renditja

Nr.       Skuadra         N.        F.         B.        H.        Gsh-Gp          Pikë

1. Partizani        25        16          5          4        29-11              53
2. Kukësi            25        13          5          7        27-16              44
3. Teuta              25        10        10          5        30-22              40
4. Flamurtari      26        10          8          8        24-19              38
5. Skënderbeu  26        11          4        11        27-24              37
6. Laçi                 25          9        10          6        20-19              37
7. Luftëtari         26          9          4        13        24-30              31
8. Tirana             25          7          8        10        28-26              29
9. Kastrioti          25          7          3        15        22-41              24
10. Kamza 26          4          5        17        13-36              17