ASNN – Forma e treguar nga Bernard Berisha në sezonin e kaluar, por sidomos në dy ndeshjet e turit të dytë eliminator ndaj Krusejdërs në Ligën e Kampioneve, ka bërë që për mesfushorin kosovar të Skënderbeut të shfaqin interes klube të njohura evropiane.
Pas gjermanëve të Duisburgut, të cilët nuk janë tërhequr ende nga gara për të firmosur me talentin 23-vjeçar, për Berishën po lëviz edhe Standardi i Liezhit.
Mediat belge shkruajnë për një interesim të skuadrës që drejtohet nga trajneri Slavoljub Muslin, për futbollistin e kampionëve të Shqipërisë.
Drejtuesit e Standardit po kërkojnë elementë cilësorë në merkato për të përforcuar skuadrën dhe ata shohin te Bernard Berisha njërin prej tyre.
